БИШКЕК, 3-май — Sputnik. Эртең Кыргызстандын көпчүлүк аймагында күн күркүрөп, тоолуу райондордо кар жаайт. Бул тууралуу Кыргызгидромет билдирди.
Маалыматка ылайык, бийик тоолуу аймактардагы автожолдор тоңголок, тайгак болуп, батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге чейин жетет.
Ал эми Бишкек шаарында түнкүсүн ала булут каптайт. Күндүз жаан жаап, күн күркүрөшү мүмкүн. Аба ырайы +19…+21 градус жылуу болот.
Ош шаарында дагы күндүз жаан жаап, күн күркүрөйт. Батыштан соккон шамалдын ылдамдыгы секундасын 4-9 метрге жетет. Күндүз +24…+26 градус жылуу болот.
