БИШКЕК, 11-апр. — Sputnik. Түрк кеңеши мамлекетинин туризм министрлеринин 3-саммимити Ысык-Көл облусунун Чолпон-Ата шаарында июнь айында өтөт. Бул тууралуу Маданият, маалымат жана туризм министрлиги билдирди.
Министрлер туристтик операторлор жана ишкерлер менен биргеликте "Заманбап Жибек Жолу" эл аралык долбоорун талкуулашат. Саммиттин катышуучулары Улуу Жибек Жолу аркылуу өтчү туристтик каттамдарды бекитүүнү талкуулашат.
Ошондой эле Көчмөндөр оюнун өткөрүү маселелери да ортого салынат.
Боло турчу эл аралык иш-чарага БУУнун Бүткүл дүйнөлүк туристтик уюмунун башчысы Рифаи Талеб, Түрк кеңешинин башкы катчысы Рамил Гасанов, Азербайжан, Казакстан жана Түркиянын туризм министрлери келет.
Түрк кеңешине быйыл Кыргызстан төрагалык кылгандыктан туризм министрлеринин саммитин КРде өткөрүү чечими кабыл алынган.
