БИШКЕК, 4-апр. — Sputnik. Жаза аткаруу мамлекеттик кызматынын ички коопсуздук башкармалыгынын кызматкерлерине карата пара алганы боюнча кылмыш иши козголду. Бул тууралуу Башкы прокуратура билдирди.
Маалыматка ылайык, аталган кызматкерлер ЖАМК инспекторунан текшерүү учурунда табылган дал келишпестиктерди жаап-жашыруу үчүн 500 доллар пара талап кылышкан.
Прокуратура менен УКМК кызматкерлери 400 долларын ага чейин алып, калган 100 долларын алып жаткан жеринен колго түшүрүлдү.
Бул боюнча Кылмыш жаза кодексинин 313-беренесинин (Пара талап кылуу) негизинде кылмыш иши козголуп, кармалгандар №1 тергөө абагына камакка алынышты.
Учурда тергөө амалдары жүрүп жатат.
