БИШКЕК, 2-апр. — Sputnik. Владимир Путин Тоолуу Карабах аймагында аскердик аракеттердин жанданып жатканы боюнча маалыматка тынчсызданып жатканын президенттин маалымат катчысы Дмитрий Песков билдиргинен РИА Новости маалымдады.
"Президент Путин чыңалуу болуп жаткан эки тарапты тең ок атуунуу токтотуп, сабырдуу болууга чакырат", — дейт Песков.
24 Жалган Куран 2016, 21:04
Ал ошондой эле Путин аталган аймакта аскердик тирешүүлөр болуп жатканына тынчсызданарын кошумчалады.
Ишемби күнү Армения менен Азербайжан Тоолуу Карабах аймагында абал чыңалып жатканын билдиришкен. Азербайжандын Коргоо министрлиги Армениянын куралдуу күчтөрү тарабынан аткылоо болуп жатканын айтса, Армениянын аскерлери Азербайжан тараптан баскынчылык аракеттери болуп жатканын билдирүүдө.
Армениянын коргоо министрлигинин маалымат катчысы Арцурн Ованнисян эки тараптан тең жоготуулар бар экенин маалымдоодо.
