БИШКЕК, 31-мар. — Sputnik. Sputnik.Пикирлер сурамжылоосу италиялыктардын (66 пайыз), немис (63 пайыз) жана француздардын (63 пайыз) көбү башка өлкөлөр менен ассоциация боюнча маселени жалпы элдик референдум аркылуу аныктагысы келерин көрсөттү.
Мындай жыйынтык Sputnik эл аралык агенттиги жана радиосу үчүн Populus жана Ifop изилдөө компаниялары тарабынан жүргүзүлгөн иликтөөлөрдүн натыйжасында алынган.
Нидерландыда 6-апрель күнү Европа биримдигине Украинанын кирүүсү боюнча референдум өтөт. Sputnik.Пикирлер сурамжылоосу башка мамлекеттер менен ассоциациялашуу маселесин элге салуу менен чечүүгө баарынан италиялыктар кызыкдар экенин көрсөттү — жашоочулардын 66 пайызы Евробиримдиктин жаңы мүчөлөрүн референдум аркылуу аныктоону туура көрөт. Ушундай эле пикирди Германия менен Франциянын тургундары (63 пайыз) да билдирди. Башкача айтканда референдум өткөрүүгө каршы ой билдиргендердин саны ага макул болгон жарандардын санынан аз экени аныкталды — Германияда 23 пайыз, Францияда 20 жана Италияда 18 пайыз.
Британиялыктар эки ача пикир билдиришти — үчүнчү өлкөлөрдүн ЕБге кирүүсүн референдум менен чечүү керек дегендер 43 пайызды түзсө, муну менен бирге "билбейм" дегендер 40 пайызга жетти.
Коомдук пикирди изилдөө боюнча эл аралык долбоор 2015-жылдын январында башталган. Долбоордун өнөктөшү белгилүү Populus жана Ifop изилдөө компаниялары болду. "Sputnik. Пикирлер" долбоорунун алкагында Европа жана АКШ өлкөлөрүндө маанилүү социалдык жана саясий маселелер боюнча сурамжылоолор үзгүлтүксүз жүргүзүлөт.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik маалымат түрмөгүнө жазылгандар үчүн англис араб, испан жана кытай тилдеринде кабарлар күнү-түнү жаңыланып турат.
