Ордолуу Ош шаарынын күнүмдүк жашоосу тууралуу сүрөт баян
Ордолуу Ош шаарынын күнүмдүк жашоосу тууралуу сүрөт баян
Sputnik Кыргызстан
500 миң тургун жашоо кечирген Ош шаары бүгүнкү күндө дүркүрөп өсүү жолунда. Жаңы көпүрө курулуп бүтүп, колдонууга берилген. 30.03.2016, Sputnik Кыргызстан
500 миң тургун жашоо кечирген Ош шаары бүгүнкү күндө дүркүрөп өсүү жолунда. Жаңы көпүрө курулуп бүтүп, колдонууга берилген.
Шаарда өзбөк жана кыргыздардан тышкары орус, түрк, татар, уйгур, тажик, азербайжан жана башка улуттар жашайт. Алардын көпчүлүгү базарда соода менен алектенет.
Ош шаары Кыргызстандын аймагындагы байыркы шаарлардын бири. Шаар Кичи-Алай тоо кыркасынын түндүк этегиндеги Фергана өрөөнүнүн четинде деңиз деңгээлинен 1000 метрден ашуун бийиктикте жайгашкан. Шаардын борборунда Ак-Буура суусунун сол жээгинен Сулайман тоосу орун алган. Анын узундугү – 1140, туурасы – 560 метрди түзөт. Чыгыш чокусунда дээрлик 150 метр бийиктикте архитектура эстелиги жана шаардын эн кооз жерлердинин бири Сулайман Так мечити курулган. Келген туристтердин көпчүлүгү түңкүсүн тоого чыгып, Ош шаарынын кооздугуна суктанышат.
Ош шаарынын кооздугун Sputnik Кыргызстан агенттигинин сүрөт түрмөгүнөн көрүңүз.
Ошто шекерди чанда колдонушат. Уламыш боюнча майлуу мантудан кийин көк чайга нават салып ичүү керек. Ошол үчүн базардан тоодой үйүлгөн наваттарды кезиктирүүгө болот
Ошко келген коноктор сөзсүз түрдө улуттук кийимдер жайгашкан базарга баш багышат. Ал жактан таза кийизден жасалган калпактарды, шөкүлөлөрдү кезиктирүүгө болот
Ош шаарында "Кылым курулушу" деп аталган эстакадалык көпүрө 2015-жылдын 28-октябрында пайдаланууга берилди. Курулуш иштерине Россиянын гранттык каражатынан 667 миллион сом бөлүнгөн. Көпүрөнүн узундугу 265, туурасы 23,9 метр. Автоунаалар төрт тилке менен жүрөт
