БИШКЕК, 27-мар. — Sputnik. Ош шаарында өткөн шайлоонун алдын ала жыйынтыгы боюнча КСДП партиясы шайлоочулардын эң көп добушун алды.
Ош шаардык кеңешке болгон шайлоо эртең мененки саат 8:00дө башталып, 20:00дө жыйынтыкталды. Анда 73 шайлоо участкасында добуш берилди. Мамлекеттик каттоо кызматынын төрагасы Тайырбек Сарпашевдин берген маалыматына ылайык Ош боюнча 117 миң 752 шайлоочудан 70 миң 651и добуш берди.
Шайлоонун алдын ала жыйынтыгы төмөндөгүдөй:
- КСДП партиясы — 16 миң 599 добуш;
- "Кыргызстан" саясий партиясы — 9 миң 250 добуш;
- "Мекеним Кыргызстан" саясий партиясы — 6 миң 36 добуш;
- "Республика – Ата-Журт" саясий партиясы — 5 миң 346 добуш;
- "Бир бол" саясий партиясы — 4 миң 623 добуш;
- "Өнүгүү-Прогресс" саясий партиясы — 4 миң 314 добуш;
- "Демакрат" саясий партиясы — 2 миң 539 добуш;
- "Ата Мекен" саясий партиясы — 2 миң 309 добуш;
- "Ата-Журт" саясий партиясы — 1 миң 821 добуш;
- "Эмгек" саясий партиясы — 538 добуш;
- "Кыргызстан коммунистер" саясий партиясы — 196 добуш;
- "Күч биримдикте" саясий партиясы — 162 добуш;
- "Аалам партиясыздардын партиясы" — 151 добуш;
Шаардык кеңештин депутаттарын шайлоого жалпысынан 117 миң 752 шайлоочунун катышуусу күтүлүп, алардын 872си кечээ мөөнөтүнөн мурда добуш беришкен.
Эскерте кетсек, бүгүн 27-мартта жергиликтүү кеңештерге шайлоо алты шаар менен 20дан ашуун айыл аймактарында өттү.
