БИШКЕК, 27-мар. —Sputnik. Балыкчы менен Каракол шаарында шайлоочулардын 40 пайызы саат 16:00гө карата добуш беришти. Бул тууралуу Мамлекеттик каттоо кызматынын маалымат кызматы билдирди.
Бүгүн 27-мартта жергиликтүү кеңештерге шайлоо алты шаар менен 20дан ашуун айыл өкмөттөрүндө өтүп жатат. Анда биометрикалык маалымат тапшырган 271 миң жаран добуш берет.
"Каракол менен Балыкчы шаарларында 40 пайыз же 18 миң 445 жаран өз добуштарын беришти. Техникалык тоскоолдуктар байкалды, бирок, тез арада калыбына келтирилди", —деп айтылат маалыматта.
Токмок шаары боюнча 12 миң 802 жаран добуштарын берүүгө жетишти, бул шаар боюнча жалпы шайлоочулардын 44 пайызын түзөт. Эң төмөнкү активдүүлүк Ысык-Ата менен Аламүдүн райондорунда байкалды. Ысык-Аталыктардын 32 пайызы добуш берсе, Аламүдүн районунда 771 гана жаран шайлоого катышкан.
