ЖМК: Анкарадагы жардырууну эки жан кечти ишке ашырган

© REUTERS / Umit BektasАнкарадагы жардыруу
Анкарадагы жардыруу - Sputnik Кыргызстан
Жазылуу
Террорчулардын бирөөсү жаш кыз экени айтылууда. Анын аты-жөнү азырынча ачыктала элек. Бирок Hurriyet гезити полициядагы булагына таянуу менен "С.Ч.Д." деген инициалдарды келтирүүдө.

БИШКЕК, 14-мар. — Sputnik. Анкарадагы жардырууну эки террорчу — бир аял жана эркек адам ишке ашырган, учурда алардын өздүгү такталды. Бул тууралуу Hurriyet гезитине таянуу менен РИА Новости жазды.

Анкарадагы жардыруудан кийин ал жактагы кыргызстандыктар бир-бирине кам көрүшүүдө
Жекшемби күнү Түркиянын Анкара шаарынын чок ортосунда жардыруу болуп, андан акыркы маалыматтар боюнча 37 адамдын каза болгону айтылууда. Полиция эки автобустун ортосундагы мина коюлган жеңил унаанын жарылганын билдирген. Түркиянын Саламаттык сактоо министрлиги 125 адамдын жаракат алганын айтып, анын 71и ооруканада экенин белгиледи.

Жан кечти кыз Түркиянын батыш аймагында Балыкесир шаарындагы университетти аяктаган. 2013-жылы террористтик уюм катарына кирген. Аты-жөнү ачыкка чыга элек, бирок "С.Ч.Д." деген инициалдар айтылууда.

Haberturk порталы полициядагы өздүк маалымат булагына таянуу менен жардырылган BMW унаасы Түркиянын түштүк-чыгышында жайгашкан Шандыурфа шаарында 10-январь күнү уурдалганы белгилүү болду. Ошол эле күнү машина Диярбакыр шаарына, ал эми 26-февралда Анкарага алып келинген.

Жаңылыктар түрмөгү
0