БИШКЕК, 18-фев. — Sputnik. Түркиянын борбору Анкара шаарында болгон жардыруудан жабыркаган же каза болгондордун арасында кыргызстандыктар жок экенин Тышкы иштер министрлигин маалымат кызматы кабарлады.
Окуя кечээ, 17-февралда жергиликтүү убакыт боюнча саат 18.31де Түркиянын парламенти менен Башкы штабынын аймагына жакын жерде болгон. Светофорго аскерлерди ташып келе жаткан транспорт колоннасы токтогон учурда жардыруучу зат коюлган автоунаа жарылып, анын кесепетинен 28 адам курман болду. Андан сырткары 61 киши жаракат алган.
Өз учурунда Facebook социалдык тармагы "Мен коопсуз аймактамын" аттуу функциясын ишке киргизди. Аны менен кыргызстандыктар колдоно баштады.
