БИШКЕК, 18-фев. — Sputnik. Анкарадагы жарылууда каза болгондордун саны 28 кишиге, ал эми жаракат алгандар 61 кишиге жетти. Бул туурасында Sputnik Тürkiye билдирди.
Окуя кечээ, 17-февралда алардын убактысы менен алганда 18.31де Түркиянын парламенти менен Башкы штабынын аймагына жакын жерде болгон. Светофорго аскерлерди ташып келе жаткан транспорт колоннасы токтогон учурда мина коюлган автоунаа жарылып, анын кесепетинен 28 адам курман болду. Андан сырткары 61 киши жаракат алган.
"Анкарадагы бул терактыны айыптайбыз. Түркия эми террроризм менен күрөшүнү өлкө ичинде да, сыртында да улантат. Курмандыкка учурагандардын арбышы биздин чыдамыбызды түгөттү", — деп айтылат Эрдогандын кайрылуусунда.
Буга чейин январдын ортосунда Түркиянын Диярбакыр аймагында жарылуу болуп, бир нече киши каза таап, 36дан ашуун жаракат алган.
