БИШКЕК, 2-фев. — Sputnik. Кыргызстанда эки жер титирөө катталганын КР Өзгөчө кырдаалдар министрлгининин маалымат кызматы билдирди.
Ага ылайык, биринчи жер титирөө түнкү саат 1.33тө катталган. Анын күчү эпицентрде 3 баллды түзгөн. Очогу Фергана тоо кыркасында жайгашып, Байбиче айылынан (Ош облусу) түндүк-чыгышты карай 17 чакырым жана Кара-Дөбө айылынан 15 чакырым түндүк-чыгышта орун алган.
Ал эми экинчи жер титирөө саат 2.10да катталып, силкинүү күчү 3 баллды түзгөн.
Улуттук илимдер академиясынын Сейсмология институтунун маалыматы боюнча жер титирөөнүн очогу Кыргызстанда орун алып, Ак-Жылга айылынан 10 чакырым түштүк-чыгышты карай жана Кожо-Келең айылынан 15 чакырым түштүк-чыгышты карай орун алган.
Алдын ала маалыматтар боюнча жабыркагандар жок.
