БИШКЕК, 26-янв. — Sputnik. Ош шаарында "Мерседес-Бенц Спринтер" унаасынын айдоочусу мас абалында төрт машинаны сүзүп кеткенин ӨКМ билдирди.
Маалыматка ылайык, кырсык кечээ саат 19.50дө Масалиев проспектисинде болгон. Мас айдоочу "Тайота-Авенсис" унаасын сүзүп, Ош мамлекеттик университеттин жанынан "Митсубиси" жана "Дэу-Матис" машиналарын коюп кеткен. Андан соң Ленин көчөсү менен бара жатып "Хонда Фит" унаасын коюп кеткенден кийин жолдун четиндеги бордюрду сүзүп барып токтогон.
Окуя болгон жерге барган куткаруучулар атайын шаймандары менен спринтердин агып жаткан күйүүчү майын токтотуп, кооптуу жерлерге кум чачып беришкен.
Айдоочу МАИ кызматкерлери менен териштирүү иштерин жүргүзүү үчүн калган.
