БИШКЕК, 20-янв. — Sputnik. Кыргыз өкмөтү 2016-жылга карата мааракелик иш-чаралардын тизмесин бекитти.
Жалпы улуттук маанидеги юбилейлик иш-чаралардын тизмесине Кыргызстандын эгемендүүлүгүнүн 25 жылдыгы, 1916-жылкы окуялардын 100 жылдыгы, Тайлак баатырдын 220 жылдыгы, Кыргыз АССРинин негизделишинин 90 жылдыгы жана Кыргыз ССРинин негизделишинин 80 жылдыгы киргизилди.
Белгилүү ойчул Жусуп Баласагындын 1000 жылдыгын белгилөө өкмөт тарабынан эл аралык маанидеги иш-чара катары аныкталды.
Өкмөт мааракелик иш-чараларга карата мамилени кайрадан карап чыгып, мамлекеттин жана эл турумушундагы маанилүү тарыхый окуяларды өткөрүүгө басым жасамакчы.
Мындан тышкары, президент 2016-жылды Тарых жана маданият жылы катары жарыялашына байланыштуу аны жогорку деңгээлде өткөрүү үчүн өкмөт мамлекеттик дирекция түзүп, ага кыска мөөнөт ичинде иш чаралар планын иштеп чыгуу тапшырылды.
