БИШКЕК, 10-янв. — Sputnik. Кыргызстандын футбол боюнча жаштар командасы Москва шаарында машыгуучу жана даярдык көргөн оюндардын алгачкысында эле Москва облусунун Раменское шаарынын "Сатурн" командасын жеңип алды. Бул туурасында КРдин Футбол боюнча федерациясынан билдиришти.
Учурда Москва шаарына токтоп, 17-январда Санкт-Петербургда өтө турган Ынтымак кубогуна даярданып жатат.
Ата мекендик курама команда биринчи эле мүнөттө үстөмдүк кылып, 37-мүнөттө гол киргизди. "Сатурн" кетирип алган катадан кийин жарым коргоочу Ахлидин Исраилов дун эмгеги болду. Төрт мүнөттөн кийин Исраилов кайрадан топту эпчилдик менен чабуулчу Абай Бөкөловге өткөрүп, эсеп 2:0 болду.
Ынтымак кубогу 17-январда Санкт-Петербургда башталат. Быйыл ага Россия, Белоруссия, Казакстан, Кыргызстан, Латвия, Молдова, Тажикстан жана Эстониянын жаш футболчуларынан турган курама командалар катышат.
Кыргызстандын курама командасы "А" тобунда Белоруссия, Казакстан, Молдованын оюнчулары менен беттешет.
2015-жылдагы турнирдин жеңүүчүсү болгон Түштүк Африка Республикасынын курама командасы конок катары чакырылган.
