БИШКЕК, 10-янв — Sputnik. "Ислам мамлекети" террордук тобу ишемби күнү Каирдеги полиция кызматкерлерине кол салуу боюнча жоопкерчиликти өзүнө алды. Бул туурасында РИА Новости "Аль-Арабия"телеканалынын маалыматына таянып билдирди.
Египет полициясынын эки кызматкери (бири офицер) Каирдин борборундагы Эль-Гиза районунда аларга атылган октон каза болгон.
9 Үчтүн айы 2016, 12:21
Алдын ала маалыматтарга караганда, кол салуу полиция кызматкерлери кызматка чыгып бара жатканда болгон. Кылмышкерлер ок чыгаргандан кийин изин жашырган. Аталган телеканал ок чыгаргандарды издөө иштери жүрүп жаткандыгын кабарлады.
Бейшемби күнү мотоциклчен белгисиз бирөөлөр Каирдеги пирамидалардын жанынан Эль-Гиза районундагы мейманкана менен туристтер түшкөн автобусту аткылоого алган. Мейманкана күзөтчүлөрү ок чыгаргандарга ок менен жооп кылып, бактыга жараша эч ким жабыркаган эмес.
