БИШКЕК, 9-янв. — Sputnik. Түркиянын президенти Режеп Тайип Эрдоган Ирактын түндүгүндө жайгашкан Башик машыгуу лагерине кол салуу аракетинен "Ислам мамлекети" террордук тобунун 18 согушкери жок кылынганын Рейтер агенттигине таянуу менен РИА Новости билдирди.
Буга чейин 17 согушкер каза болгону маалымдалган.
"Ислам мамлекети" террордук тобунун согушкерлеринин Башиктеги лагерге кол салууга болгон аракети түрк аскерлеринин Иракта болушу туура чечим болгонун көрсөттү дейт Түркиянын президенти.
Ирак бийлигинин маалыматы боюнча 4-декабрда түрк аскерлери жана техникалары Ирактын Найнава провинциясына согушкерлер менен күрөшө турган элдик отрядардын аскерлерин даярдоо шылтоосу менен кирген. Ирактын тышкы иштер министрлиги менен коргоо министрлиги түрк аскерлеринин болушун "душмандык аракет" катары баалап, өлкөнүн бүтүндүгүнө шек келтирип жатат деп билдирген.
