Казакстандан мыйзамсыз май ташыгандардын жолу буулду

© Sputnik / Денис Гуков / Медиабанкка өтүүБензин куюлган канистралар. Архив
Бензин куюлган канистралар. Архив - Sputnik Кыргызстан
Жазылуу
Кыргызстанга алып келингенден кийин май колго жабдылган базада атайын насостор менен цистерналарга, андан бензовоздорго жана жүк ташуучу унааларга куюлуп келген.

БИШКЕК, 30-ноя. — Sputnik. Казакстандан турукташкан схема менен мыйзамсыз май ташыган жети унаа кармалганын Финансы полициясы билдирди.

Күйүүчү май ташуучу автоунаа. Архив - Sputnik Кыргызстан
Экономика министрлиги чек арадан мыйзамсыз ташылган күйүүчү майды каттайт
Маалыматка ылайык, чиркемеси жок бир тонналык ири жүк ташуучу унаа менен май куюлган атайын идиштерди ташыган микроавтобустарды чек арадан өткөрүп жатып, айдоочулар майды коммерциялык эмес, жеке пайдалануу үчүн ташып жаткандыгы тууралуу талон толтуруп келишкен. 

Унаалар бир күндө бир нече жолу чек арадан өтүшкөн. Кыргызстанга алып келингенден кийин май колго жабдылган базада атайын насостор менен цистерналарга сордуруп алынып, андан бензовоздорго жана жүк ташуучу унааларга куюлуп келген. 

Мындай жол менен 20 күндөн бери Казакстандан күнүнө 70 тонна дизель майы ташылып келип, Кыргызстандын аймагында сатылып турган.

Учурда кармалган жети унаа боюнча кылмыш иши козголуп, иштин чоо-жайы иликтенип жатат.

Жаңылыктар түрмөгү
0