БИШКЕК, 29-ноя. — Sputnik. Красноярскинин окумуштуулары нефть кенин издөөнүн чыгымын үч эсе азайткан технология ойлоп табышканын Россиянын Билим берүү жана илим министрлиги билдирди.
Маалыматта Сибирь федералдык университеттин илимпоздору тарабынан чыгарылган технология менен нефтини эми табигый электромагниттик жана сейсмикалык добуштан маалымат алуунун негизинде издөөгө боло турганы айтылат.
"Мындай ыкма кеткен чыгымды үч эсе азайтууга шарт түзүп, башка жерде эч кездешпейт. Аталган технология жардырууларсыз эле полиметалл менен углеводдорду табууга мүмкүнчүлүк түзөт", — деп билдирди министрлик.
Алып жүрүүгө жеңил жана ыңгайлуу жабдык россиялык фундаменталдык изилдөө фонду менен Красноярск крайынын илим фонду тарабынан колдоого алынды. Жаңы технология патент алып, Хакасияда жайгашкан кендин биринде сыноодон өттү.
Түзүүчүлөрдү айтымында, долбоор Москвада 2-4-декабрь күндөрү өтө турган III Эл аралык "ВУЗПРОМЭКСПО-2015" көргөзмөсүнө коюлат.
