Синайда жанкечтинин жардыруусунан 3 адам өлүп, 12 киши жарадар болду

© AFP / MOHAMED EL-SHAHEDЕгипеттин полиция кызматкерлери. Архив
Египеттин полиция кызматкерлери. Архив - Sputnik Кыргызстан
Жазылуу
Теракт парламенттик шайлоого көз салып жаткан соттор жашаган мейманкананын жанында болгон.

БИШКЕК, 24-ноя. — Sputnik. Египеттеги Синай жарым аралынын түндүгүндө жайгашкан Эль-Ариш шаарындагы Swiss отелинин жанында токтотулган унаадагы жардыруучу түзүлүштү жанкечти иштеткенин коопсуздук органдарына таянуу менен Vetogate маалымат порталы билдирди.

Путин: А321 учагын жардыргандарды жерден чукусак да табабыз
Жардырылган унаадан адамдын сөөгүнүн калдыктары табылган. Учурда терактынын кесепетинен жанкечти менен кошо үч полиция кызматкеринин каза болгону айтылууда. Мындан тышкары, 10 полиция жана эки жай адам ар кандай жаракат алган.

Теракт парламенттик шайлоого көз салып жаткан соттор жашаган мейманкананын жанында болгон. Полициянын маалыматы боюнча алгач миналанган унаа жарылып, бир нече убакыттан кийин дагы бир жардыруу болгон.

Эль-Ариш шаары Түндүк Синай провинциясынын борбору болуп саналат. Ал 31-октябрда терактыга кабылган россиялык учактын кыйроого учураган жеринен 100 чакырым алыстыкта жайгашкан.

Жаңылыктар түрмөгү
0