БИШКЕК, 10-сен. —Sputnik. Диний экстремизмге жана терроризмге каршы күрөшүү бүгүн ала "Ала-Арча" мамлекеттик резиденциясында өтө турган Коргоо кеңешинин отурумунун негизги маселеси болот. Бул туурасында президенттин маалымат кызматынан билдиришти.
Мамлекет башчысы Алмазбек Атамбаев төрагалык кылган кезектеги жыйында диний экстремизмге жана терроризмге каршы күрөшүүнүн натыйжаларын арттыруу маселеси каралат. Андан сырткары, жыйындын күн тартибинде ар кыл багыттагы суроолор турат.
Маселенин олуттуулугуна байланыштуу жыйын жабык эшик артында өтөт.
Өткөн жылы да ноябрь айында президент Алмазбек Атамбаевдин төрагалыгы алдында Коргоо кеңешинин кезектеги жыйыны өтүп, анда да жабыш эшик артында Кыргызстандын дин тармагындагы мамлекеттик саясаты талкууланган.
