БИШКЕК, 4-июль — Sputnik. Депутат Роза Акназарова баштаган Жогорку Кеӊештин делегациясы ЕККУнун Парламенттер Ассамблеясынын 5-9-июлда Хельсинки шаарындагы кезектеги сессиясына катышат. Бул туурасында ЖКнын маалымат кызматы билдирди.
Бул сапар ЕККУнун 57 катышуучу-мамлекеттеринен келген парламентарийлер үч комитеттин биргелешкен резолюциясын, анын кошумча пункттары менен түзөтүүлөрдү талкууламакчы.
Депутат Роза Акназарова Экономикалык маселелер, илим, технология жана айлана-чөйрө боюнча комитеттин жыйынына, ЕККУнун парламенттер ассамблеясынын Бюросу менен Туруктуу комитетинин жыйындарына кирет.
Кыргыз парламентинин делегациясы ЕККУнун парламенттик ассамблеясынын ар жылдык сессиясына катышып келет.
Делегациясынын курамында КСДП жана "Ата Мекен" фракциясынын депутатары бар.
