Баёо сезимге толгон балалык чак кандай жакшы. Ар бир бала тез эле чоңоюп, агасындай же эжесиндей болгонго ашыгат. Алар чоңдорду каалаган нерсесин жасай алышат деп ойлошот.
Ал эми чоңдор болсо балалык кез бир кайрылып келсе дешет. Анда эмесе аз да болсо балалыкка кайрылалы.
Балдарды коргоонун эл аралык күнү Бишкекте белгиленди.
Бул Бишкекте да жакшы маанай, балдардын шаң күлкүсү менен коштолду.
Борбор калаанын Панфилов сейил багында бул күнү үй-бүлөсү менен келип эс алгандар көп болду.
Баёо кыял балалык...
Бор менен жолго тартылган сүрөт майрамды көрккө бөлөдү.
Балдардын күлкүсү сейил бакты шаңга толтурду.
Күндүн ысыгында сууга чөмүлүп алуу кандай сонун.
Балдардын оюнда дайыма апасы болот.
