https://sputnik.kg/20261113/1104882224.html
Жаңылыктар. Чыгарылыш 15:00
Жаңылыктар. Чыгарылыш 15:00
Sputnik Кыргызстан
Кыргызстанда өтө турган президенттик шайлоодо бардык талапкерлер үчүн бирдей шарттар камсыздалышы керек. Бул тууралуу Борбордук шайлоо комиссиясынын... 13.11.2026, Sputnik Кыргызстан
2026-11-13T15:00+0600
2026-11-13T15:00+0600
2026-11-13T15:16+0600
https://sputnik.kg/img/07ea/0b/0d/1104882058_0:3:1036:586_1920x0_80_0_0_d2a9b8678c51831ad867dcc67457c53d.jpg
Жаңылыктар. Чыгарылыш 15:00
Sputnik Кыргызстан
Кыргызстанда өтө турган президенттик шайлоодо бардык талапкерлер үчүн бирдей шарттар камсыздалышы керек. Бул тууралуу Борбордук шайлоо комиссиясынын төрагасынын орун басары Айдана Жупуева журналисттерге билдирди. Анын айтымында, президент Садыр Жапаров бардык талапкерлерге тең мүмкүнчүлүк түзүү зарылдыгын белгилеп келет. Бул багытта Министрлер кабинетинин алдында республикалык штаб түзүлүп, тиешелүү иш-план бекитилген. Бекитилген планга ылайык, мамлекеттик органдар жана жергиликтүү өз алдынча башкаруу органдары бардык талапкерлерге бирдей шарт түзүүгө милдеттүү. Ошондой эле мамлекеттик жана муниципалдык кызматкерлердин шайлоо алдындагы үгүт иштерине катышуусуна жол берилбеши керек. Жупуева бир дагы талапкерге артыкчылык берилбестен, бардыгына мыйзам чегинде тең мамиле жасалышы зарылдыгын баса белгиледи. Белгилей кетсек, Кыргызстанда президенттик шайлоо 2027-жылдын 27-январына белгиленген.
Асеин Исаев Кыргызстандын Бельгиядагы атайын жана ыйгарым укуктуу элчиси болуп дайындалды. Тиешелүү жарлыкка президент Садыр Жапаров кол койду. Буга чейин ал Кыргызстандын тышкы иштер министринин биринчи орун басары кызматын аркалап келген. Исаев буга чейин да Бенилюкс өлкөлөрүндө жана Францияда КРдин элчиси, ошондой эле ЕБ, ЮНЕСКО жана НАТОнун алдындагы туруктуу өкүл кызматтарында иштеген. 2019–2022-жылдары Кыргызстандын Индиядагы элчиси болуп эмгектенген.
Кыргызстан 2027-жылы Евразия экономикалык биримдигине (ЕАЭБ) төрагалык кылуу учурунда уюмга мүчө өлкөлөр ортосундагы соода тоскоолдуктарын жоюу маселесин күн тартибине чыгарууга мүмкүнчүлүк алат. Бул тууралуу Sputnik агенттигинин маалымат борборунда ЕАЭБ Ишкерлер кеңешинин президиумунун мүчөсү Данил Ибраев билдирди. Анын айтымында, төрагалык кылган өлкө биримдиктин күн тартибин түзүүгө жана жыйындарды алып барууга катышат. Бул Кыргызстанга ишкерлер үчүн маанилүү болгон маселелерди ыкчам көтөрүүгө шарт түзөт. Ибраев белгилегендей, учурда ЕАЭБ өзүнүн экономикалык мүмкүнчүлүктөрүнүн 20–30 пайызын гана пайдаланып жатат. Кыргызстандын товарлары башка мүчө өлкөлөрдүн базарларына чыгарда кошумча текшерүүлөргө туш болуп, биримдиктин бирдиктүү реестриндеги сертификаттарга да ишенбөөчүлүк жаралууда. Ал Кыргызстан төрагалык кылган жылы соодадагы тоскоолдуктарды жоюу боюнча иштер күчөп, майнап жакшы болоруна ишеним артты.
АКШ президенти Дональд Трамп Жакынкы Чыгыштагы союздаштарынын өтүнүчү менен Вашингтон Иран менен болгон жаңжалда кескин кадамдарды жасабай жатканын билдирди. Алып баруучу Стивен Смитке берген маегинде америкалык лидер тирешти дароо токтотууга кудурети жетерин, бирок аймактагы өлкөлөр шашпай турууну суранышканын айтты. Анын айтымында, Сауд Арабиясы, Катар, Кувейт, Бириккен Араб Эмираттары (БАЭ) жана Бахрейн күтө туруу позициясын карманууну жакташууда. АКШ президенти алардын ыкмасын толук колдобосо да союздаштарынын пикирин эске алганын белгиледи. Буга чейин Трамп АКШга Иранда эч нерсени талкалоонун зарылдыгы жок экенин билдирип, бирок кийинчерээк Вашингтон Тегеран менен эч кандай келишимге муктаж эмес экенин айткан.
Кыргызстанда өтө турган президенттик шайлоодо бардык талапкерлер үчүн бирдей шарттар камсыздалышы керек. Бул тууралуу Борбордук шайлоо комиссиясынын төрагасынын орун басары Айдана Жупуева журналисттерге билдирди. Анын айтымында, президент Садыр Жапаров бардык талапкерлерге тең мүмкүнчүлүк түзүү зарылдыгын белгилеп келет. Бул багытта Министрлер кабинетинин алдында республикалык штаб түзүлүп, тиешелүү иш-план бекитилген. Бекитилген планга ылайык, мамлекеттик органдар жана жергиликтүү өз алдынча башкаруу органдары бардык талапкерлерге бирдей шарт түзүүгө милдеттүү. Ошондой эле мамлекеттик жана муниципалдык кызматкерлердин шайлоо алдындагы үгүт иштерине катышуусуна жол берилбеши керек. Жупуева бир дагы талапкерге артыкчылык берилбестен, бардыгына мыйзам чегинде тең мамиле жасалышы зарылдыгын баса белгиледи. Белгилей кетсек, Кыргызстанда президенттик шайлоо 2027-жылдын 27-январына белгиленген.Асеин Исаев Кыргызстандын Бельгиядагы атайын жана ыйгарым укуктуу элчиси болуп дайындалды. Тиешелүү жарлыкка президент Садыр Жапаров кол койду. Буга чейин ал Кыргызстандын тышкы иштер министринин биринчи орун басары кызматын аркалап келген. Исаев буга чейин да Бенилюкс өлкөлөрүндө жана Францияда КРдин элчиси, ошондой эле ЕБ, ЮНЕСКО жана НАТОнун алдындагы туруктуу өкүл кызматтарында иштеген. 2019–2022-жылдары Кыргызстандын Индиядагы элчиси болуп эмгектенген.Кыргызстан 2027-жылы Евразия экономикалык биримдигине (ЕАЭБ) төрагалык кылуу учурунда уюмга мүчө өлкөлөр ортосундагы соода тоскоолдуктарын жоюу маселесин күн тартибине чыгарууга мүмкүнчүлүк алат. Бул тууралуу Sputnik агенттигинин маалымат борборунда ЕАЭБ Ишкерлер кеңешинин президиумунун мүчөсү Данил Ибраев билдирди. Анын айтымында, төрагалык кылган өлкө биримдиктин күн тартибин түзүүгө жана жыйындарды алып барууга катышат. Бул Кыргызстанга ишкерлер үчүн маанилүү болгон маселелерди ыкчам көтөрүүгө шарт түзөт. Ибраев белгилегендей, учурда ЕАЭБ өзүнүн экономикалык мүмкүнчүлүктөрүнүн 20–30 пайызын гана пайдаланып жатат. Кыргызстандын товарлары башка мүчө өлкөлөрдүн базарларына чыгарда кошумча текшерүүлөргө туш болуп, биримдиктин бирдиктүү реестриндеги сертификаттарга да ишенбөөчүлүк жаралууда. Ал Кыргызстан төрагалык кылган жылы соодадагы тоскоолдуктарды жоюу боюнча иштер күчөп, майнап жакшы болоруна ишеним артты.АКШ президенти Дональд Трамп Жакынкы Чыгыштагы союздаштарынын өтүнүчү менен Вашингтон Иран менен болгон жаңжалда кескин кадамдарды жасабай жатканын билдирди. Алып баруучу Стивен Смитке берген маегинде америкалык лидер тирешти дароо токтотууга кудурети жетерин, бирок аймактагы өлкөлөр шашпай турууну суранышканын айтты. Анын айтымында, Сауд Арабиясы, Катар, Кувейт, Бириккен Араб Эмираттары (БАЭ) жана Бахрейн күтө туруу позициясын карманууну жакташууда. АКШ президенти алардын ыкмасын толук колдобосо да союздаштарынын пикирин эске алганын белгиледи. Буга чейин Трамп АКШга Иранда эч нерсени талкалоонун зарылдыгы жок экенин билдирип, бирок кийинчерээк Вашингтон Тегеран менен эч кандай келишимге муктаж эмес экенин айткан.
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
аудио
Кыргызстанда өтө турган президенттик шайлоодо бардык талапкерлер үчүн бирдей шарттар камсыздалышы керек. Бул тууралуу Борбордук шайлоо комиссиясынын төрагасынын орун басары Айдана Жупуева журналисттерге билдирди. Анын айтымында, президент Садыр Жапаров бардык талапкерлерге тең мүмкүнчүлүк түзүү зарылдыгын белгилеп келет. Бул багытта Министрлер кабинетинин алдында республикалык штаб түзүлүп, тиешелүү иш-план бекитилген. Бекитилген планга ылайык, мамлекеттик органдар жана жергиликтүү өз алдынча башкаруу органдары бардык талапкерлерге бирдей шарт түзүүгө милдеттүү. Ошондой эле мамлекеттик жана муниципалдык кызматкерлердин шайлоо алдындагы үгүт иштерине катышуусуна жол берилбеши керек. Жупуева бир дагы талапкерге артыкчылык берилбестен, бардыгына мыйзам чегинде тең мамиле жасалышы зарылдыгын баса белгиледи. Белгилей кетсек, Кыргызстанда президенттик шайлоо 2027-жылдын 27-январына белгиленген.
Асеин Исаев Кыргызстандын Бельгиядагы атайын жана ыйгарым укуктуу элчиси болуп дайындалды. Тиешелүү жарлыкка президент Садыр Жапаров кол койду. Буга чейин ал Кыргызстандын тышкы иштер министринин биринчи орун басары кызматын аркалап келген. Исаев буга чейин да Бенилюкс өлкөлөрүндө жана Францияда КРдин элчиси, ошондой эле ЕБ, ЮНЕСКО жана НАТОнун алдындагы туруктуу өкүл кызматтарында иштеген. 2019–2022-жылдары Кыргызстандын Индиядагы элчиси болуп эмгектенген.
Кыргызстан 2027-жылы Евразия экономикалык биримдигине (ЕАЭБ) төрагалык кылуу учурунда уюмга мүчө өлкөлөр ортосундагы соода тоскоолдуктарын жоюу маселесин күн тартибине чыгарууга мүмкүнчүлүк алат. Бул тууралуу Sputnik агенттигинин маалымат борборунда ЕАЭБ Ишкерлер кеңешинин президиумунун мүчөсү Данил Ибраев билдирди. Анын айтымында, төрагалык кылган өлкө биримдиктин күн тартибин түзүүгө жана жыйындарды алып барууга катышат. Бул Кыргызстанга ишкерлер үчүн маанилүү болгон маселелерди ыкчам көтөрүүгө шарт түзөт. Ибраев белгилегендей, учурда ЕАЭБ өзүнүн экономикалык мүмкүнчүлүктөрүнүн 20–30 пайызын гана пайдаланып жатат. Кыргызстандын товарлары башка мүчө өлкөлөрдүн базарларына чыгарда кошумча текшерүүлөргө туш болуп, биримдиктин бирдиктүү реестриндеги сертификаттарга да ишенбөөчүлүк жаралууда. Ал Кыргызстан төрагалык кылган жылы соодадагы тоскоолдуктарды жоюу боюнча иштер күчөп, майнап жакшы болоруна ишеним артты.
АКШ президенти Дональд Трамп Жакынкы Чыгыштагы союздаштарынын өтүнүчү менен Вашингтон Иран менен болгон жаңжалда кескин кадамдарды жасабай жатканын билдирди. Алып баруучу Стивен Смитке берген маегинде америкалык лидер тирешти дароо токтотууга кудурети жетерин, бирок аймактагы өлкөлөр шашпай турууну суранышканын айтты. Анын айтымында, Сауд Арабиясы, Катар, Кувейт, Бириккен Араб Эмираттары (БАЭ) жана Бахрейн күтө туруу позициясын карманууну жакташууда. АКШ президенти алардын ыкмасын толук колдобосо да союздаштарынын пикирин эске алганын белгиледи. Буга чейин Трамп АКШга Иранда эч нерсени талкалоонун зарылдыгы жок экенин билдирип, бирок кийинчерээк Вашингтон Тегеран менен эч кандай келишимге муктаж эмес экенин айткан.
