Түркияда президенттик жана парламенттик шайлоо өтүүдө

© Фото / Sputnik / Медиабанкка өтүүДосрочные президентские и парламентские выборы в Турции
Досрочные президентские и парламентские выборы в Турции - Sputnik Кыргызстан
Жазылуу
Шайлоо участкалары жергиликтүү убакыт боюнча саат 17:00гө (Бишкек убактысы боюнча 20.00) чейин ачык болот.

БИШКЕК, 24-июн. — Sputnik. Түркияда мөөнөтүнөн мурда дайындалган президенттик жана парламенттик шайлоо башталып, добуш берүү участкалары ачылды.

Шайлоо бюллетендеринде учурдагы башкаруучу Ак партиядан Тайип Эрдоган, оппозициялык маанайдагы Элдик республикалык партиясынан Мухаррем Инжи, Элдик демократия партиясынан Селахаттин Демирташ, Жакшы партиядан Мерал Акшенер, Бакыт партиясынан Темел Карамоллаоглу жана Мекен партиясынан Догу Перинчектин аттары жазылган. Белгилей кетсек, Түркияда президенттик шайлоо менен чогуу парламенттик шайлоо дагы өтүп жатат.

Нападение на ночной клуб в Стамбуле - Sputnik Кыргызстан
Анкарада шайлоо күнү жардыруу уюштурмакчы болгон 14 киши кармалды
Өлкөдө жалпысынан 56,3 миллион киши добуш берүү укугуна ээ. Шайлоо участкалары жергиликтүү убакыт боюнча саат 17:00гө чейин ачык болот. Ал эми Түркиянын тышында жашаган 1,5 миллион киши мөөнөтүнөн мурда добуш берген.

Алдын ала жүргүзүлгөн сурамжылоодо Түркиянын азыркы президенти Режеп Тайип Эрдогандын жеңишке жетүү мүмкүнчүлүгү жогору. Социологиялык сурамжылоо катышкандардын 47-48 пайызы Эрдоганды колдой турганын айтышкан. Ал ортодо президенттик шайлоо эки тур менен өтөт деген пикирлер дагы бар. Эгер экинчи тур болуп калса, Эрдогандын негизги атаандашы Мухаррем Инжи болору айтылууда. Инжи парламенттеги оппозициялык фракциянын өкүлү, ал буга чейин калың элдин арасында анча белгилүү эмес болчу. Бирок ийгиликтүү жүргүзгөн шайлоо кампаниясынын жыйынтыгында 30 пайыздай шайлоочуну өзүнүн катарына тарта алганы айтылууда.

Эгер Түркиядагы шайлоо ийгиликтүү өтсө мамлекет парламенттик башкаруудан президенттик башкарууга өтөт.

Жаңылыктар түрмөгү
0