БИШКЕК, 31-дек. — Sputnik. Американын соту трансгендер аял-эркектерге АКШнын куралдуу күчтөрүндө кызмат өтөөгө уруксат берди. Бул тууралуу Euronews телеканалы билдирди.
Трансгендерлердин АКШ армиясында кызмат өтөөсү 2016-жылы Барак Обаманын учурунда киргизилген. Бирок президенттикке келген Трамп ага тыюу салган.
Америка жарандарынын эркиндиги бирикмеси Ак үйдү сотко берип, мындай тыюу салуу АКШ жарандарынын конституциялык укугун буза турганын жүйө келтиришкен.
Акыркы сот отурумунда Американын соту Дональд Трамптын чечимин жокко чыгарган. Ал ортодо АКШнын куралдуу күчтөрү трансгендерлер кандай кызмат өтөөсү керектиги боюнча эреже иштеп чыкты. Мындай жаңылык Американын ЛГБТ коомчулугу тарабынан жылуу кабыл алынды.
