Ураган имарат, кафеден чыга качкан эл. Түркиядагы зилзаланын видеосу

Жазылуу
Түркиянын Измир провинциясындагы зилзаладан ураган имараттын видеосун күбөлөр Youtube каналына жарыялашты.

Видеодо көрүнүп тургандай, жер титирөө болгондо көп кабаттуу имарат урап түшүп, айлана андан чыккан чаңдан көрүнбөй калган.

Эске салсак, бүгүн, 30-октябрда, Түркияда күчү 6,6 баллга жеткен жер титирөө катталган. Очогунун тереңдиги 16,5 чакырымды түзүп, ал Измир аймагындагы Сеферлихисар шаарында жайгашкан.

Жергиликтүү бийлик жаратылыш кырсыгынан 20дай имарат талкаланганын айткан. Каза болгондор тууралуу азырынча маалымат жок.

РИА Новостиге жарыяланган видеодо зилзала болгон учурда эл көчө боюндагы кафеден чыга качышкан.

10 секундда жок болгон шаар-кыштактар. Индонезиядагы цунаминин видеосу

Күчү 6,8 баллга жеткен жер титирөө Грециянын Додеканес аралдарында да катталган. Ал цунами менен коштолгон.

Жаңылыктар түрмөгү
0