Бурулайдын өлүмү боюнча сот отурумунда мушташ чыкты. Видео

Жазылуу
Алгач тараптар кайым айтышып, андан кийин жакалаша кетишкен.

Заседание по делу об убийстве Бурулай Турдали кызы в Бишкеке - Sputnik Кыргызстан
Бурулайдын өлүмү: криминалист сотто берген көрсөтмөлөрүндө жаңылууда
Бурулай Турдали кызынын өлүмү боюнча Свердлов райондук сотундагы отурум аяктагандан кийин жабырлануучулар менен айыпталуучулардын тарапташтары мушташа кетти.

Сот залындагы кабарчыбыздын билдиришинче, сот бүтүп тараптар залга чыкканда Бурулай тараптан келген кыз айыпталуучулардын бирин адам өлтүрдүң деп айыптап кыйкырып, алар айтыша кетишкен. Ал ортодо эркектер жакалашып, бири-бирин чапканга жетишкен. Мушташкандарды милиция кызматкерлери араң ажыратып калышты.

Эске салсак, 2018-жылы 28-майдын түнүндө 30 жаштагы киши Чүй облусуна караштуу Жайыл районунун ички иштер бөлүмүндө ала качып алган кызын бычактап, кийин өзүнө да кол салган. Кыз алган жараатынан улам каза болуп, эркек киши ооруканага түшкөн.

Окуядан кийин Чүй милициясынын жетекчиси жумуштан айдалып, укук коргоо органдарынын башка кызматкерлерине дисциплинардык чара көрүлгөн.

Жаңылыктар түрмөгү
0