06:47 19 Баш оона 2019
Түз эфир
  • USD69.7979
  • EUR77.3640
  • RUB1.0576
Милиция кызматкерлери. Архивдик сүрөт

РИИБде бычакталган кыз: президенттин сөзүнөн кийин жетекчилер иштен алынды

© Sputnik / Нурис Алымбаев
Коом
Кыскача шилтеме алуу
Милиция бөлүмүндө бычакталган Бурулай (37)
227830

Бир катар жетекчилер иштен алынып, айрымдарына сөгүш жарыяланды.

БИШКЕК, 4-июн. — Sputnik. Жайыл районундагы милиция бөлүмүндө бычакталып өлтүрүлгөн 19 жашар кыздын окуясы боюнча бир катар жетекчилер иштен алынды. Бул тууралуу ИИМдин маалымат кызматы билдирди.

Ага ылайык, министрликтин ички тергөө кызматы милиция бөлүмүндө кыздын бычакталышына жол берген кызматкерлерге карата тыкыр иликтөө жүргүзгөн.

Эскерте кетсек, 28-майдын түнүндө 29 жаштагы киши Чүй облусуна караштуу Жайыл районунун ички иштер бөлүмүндө ала качып алган кызын бычактап, кийин өзүнө да кол салган. Кыз алган жараатынан улам каза болуп, эркек киши ооруканага түшкөн.

Ички иштер министри Кашкар Жунушалиевдин буйругу менен Чүй ОИИББдин жетекчиси, милициянын полковниги Нурлан Сарчаев, Чүй ОИИББдин жетекчи орун басары Канат Жумаев, милициянын полковниги Марлис Асанов жана Жайыл РИИБдин жетекчиси, милициянын полковниги Муратбек Исмаилов кызматтан алынды.

Ал эми Жайыл РИИБдин жетекчи орун басары милициянын майору Ж.Абыканов өзүнүн кызматтык милдетин так аткарбагандыгы үчүн ички иштер органдарынан кетирилди. Андан сырткары, Жайыл РИИБдин жетекчи орун басары милициянын Б.Чаргыновго дагы кызмат ордуна туура келбей тургандыгы аныкталды.

Ошондой эле Жайыл РИИБдин тергөөчүсү милициянын лейтенанты Э.Кадышев ала качуу боюнча түшкөн арызды убагында карабай, өз милдетин так аткарбагандыгы үчүн иштен алынган. Убактылуу кармоо жайынын жана нөөмөт бөлүмүнүн жетекчи орун басары кенже лейтенант А.Аблабеков да кызматтан кетти.

Ички иштер министри Жунушалиевдин буйругунун негизинде Чүй ОИИБдин жол кыймылы коопсуздугун көзөмөлдөө бөлүмүнүн жетекчиси милициянын майору Т.Ниязалиев жана Чүй ОИИБдин жол кыймылы коопсуздугун көзөмөлдөө бөлүмүнүн ага инспектору милициянын капитаны Т.Макашев иштен алынды.

Сөгүш алгандар:

ИИМдин коомдун коопсуздугу кызматынын ыкчам аракеттенүү борборунун жетекчиси милициянын полковниги Э.Орозакунов, Чүй ОИИББдин коомдун коопсуздугу кызматынын жетекчиси, милициянын майору А.Исаков, Чүй ОИИББдин жол кыймылы коопсуздугун камсыздоо башкармалыгынын жетекчиси А.Сакишев.

Жайыл РИИБдин нөөмөт бөлүмүнүн ага инспектору, милициянын подполковниги И.Иманалиев, Жайыл РИИБдин нөөмөт бөлүмүндө нөөмөттө турган ага милиционер Н.Эсенкулов, райондук милициянын нөөмөт бөлүмүнүн күзөтүү тобунун кызматкерлери милициянын старшиналары М.Макеев А.Атакулов ички иштер органдарынан кызматтан алынды.

Кызматтык териштирүүнүн жыйынтыгында жалпысынан 23 кызматкер жоопко тартылып, анын 5и кызматтан кетирилип, 8 кызматкер иштен алынды. 7 кызматкер кызмат ордуна туура келбей турганы аныкталса, калгандарына дисциплинардык жаза берилген.

Кызматтык териштирүүнүн жыйынтыгы юридикалык баа берүү үчүн прокуратурага жөнөтүлдү.

Андан сырткары Жайыл райондук прокуратурасы тарабынан милиция кызматкерлерине карата Кылмыш жаза кодексинин 316-беренеси "Шалаакылык" боюнча кылмыш иши козголгон.

Тема:
Милиция бөлүмүндө бычакталган Бурулай (37)

Тема боюнча

Милицияда бычакталган кыз. Жээнбеков күнөөлүүлөрдү катуу жазалоону тапшырды
Абылгазиев бир жумадан соң РИИБде бычакталган кыздын окуясына көңүл бөлдү
Кашкар Жунушалиев: кыздын өлүмүнө жол берген милиционерлерге катуу чара көрүлөт
Белгилер:
буйрук, милиция, ИИМ, Кашкар Жунушалиев, Бишкек

ЭҢ МААНИЛҮҮ