БИШКЕК, 9-янв. — Sputnik. "Тайсон" каймана аты менен таанымал кыргызстандык мушкер Канат Келдибеков ACA 105 уюмунун турниринин алкагында ага чакырык таштаган казакстандык спортчу Нурберген Шарипов менен беттешмей болду. Бул тууралуу аталган уюмдун президенти Майрбек Хасиев Instagram баракчасы аркылуу билдирди.
Посмотреть эту публикацию в Instagram
АСА 105 турнири Казакстандын Алматы шаарында 6-мартта өтөт.
Келдибеков соңку беттешин 29-ноябрда Астана шаарында болгон ACA 102 турниринде өткөрүп, казакстандык Алтынбек Жуманулыны калыстардын чечими менен утуп алган. ММА боюнча 16 беттешти утуп, төрт ирет жеңилген. ACA уюмунун рейтингинде өз салмак категориясы (61 килограмм) боюнча сегизинчи орунда турат.
Ал эми атаандашы Нурберген Шарипов 9 беттешти жеңип, эки жолу жеңилүү ызасын тарткан.
