Кыргызстандын жаш хоккейчилери Чикагодо АКШнын командасы менен беттешти. Видео

© Фото / Мээргул МаматоваМолодые хоккеисты в городе Чикаго
Молодые хоккеисты в городе Чикаго - Sputnik Кыргызстан
Жазылуу
Кийинки айлампаларда жаш хоккейчилер Россия жана Канаданын командалары менен беттешет.

БИШКЕК, 2-дек. — Sputnik. Кыргызстандык жеткинчек хоккейчилери АКШнын Чакого шаарында өтүп жаткан эл аралык турнирде "Barrington Ice Arena" кубогунун биринчи айлампасында утулуп калды.  Бул тууралуу Sputnik Кыргызстан агенттигине балдардын ата-энелеринин бири Мээргүл Маматова билдирди.

Өлкөнүн жаш хоккейчилери АКШнын "Ice Dogs 2" командасы менен оюн талаасында күч сынашкан.

"Негизи командалык курамда 15 спортчу болушу керек. Виза маселесинен улам, биздин 10 гана бала келе алды. Адатта, оюн талаасына бештен чыгып улам алмашып турушат. Командада балдар аз болгондуктан бир аз чарчап калышты. Биринчи бөлүктө 4:4 эсеби менен тең баратышкан. Тилекке каршы, аягында 11:7 эсебинде жеңилүү ызасын тартышты", — деди Маматова.

Ошондой эле ал жерге КРдин эмгек сиңирген артисти Сыймык Бейшекеев баштаган бир катар мекендештер кыргызстандык спортчуларды колдоо үчүн барганын кошумчалады.

Кийинки айлампаларда жаш хоккейчилер Россия жана Канаданын жеткинчектеринен турган командалары менен беттешет.

Жаңылыктар түрмөгү
0