Премьер-министр Россияга болгон авиакаттамдарга чектөөлөр алынарын айтты

Жазылуу
Өкмөт башчы учурда Россиянын аймагына кирүүгө Кыргызстандын кайсыл категориядагы жарандарына уруксат берилгенин айтты.

БИШКЕК, 8-сен. — Sputnik. Кыргызстанда Россияга жасалуучу авиакаттамдар этап-этабы менен калыбына келтирилип жатат. Бул тууралуу премьер-министр Кубатбек Боронов брифингде билдирди.

Анын айтымында, сентябрь айында Россияга 20 каттам жүргүзүлгөн. 21-августта Кыргызстан аба мейкиндигин 32 өлкөгө ачкан.

Өкмөт башчы билдиргендей, учурда бир катар жарандарга Россияга кирүүгө уруксат берилди:

  • Россиянын жарандыгы барлар;
  • Россияда жакын туугандары барларга (баласына, жубайына, ата-энесине барып келүүгө);
  • медициналык жардамга муктаждарга;
  • жакын туугандары каза болсо;
  • бейтапты караган адамдарга;
  • спортчуларга.

Россия Кыргызстан менен авиабайланышты качан жандантарын айтты

"Калган жарандарга кирүүгө уруксат жок, бирок, буюрса, бул чектөөлөр да жакында алынат. Ал эми студенттердин Россияга кирүүсү боюнча сүйлөшүүлөрдү жүргүзүп жатабыз. Россия студенттерди кабыл алуу боюнча алгоритмдерди иштеп жатат, ага ылайык студенттер обочолонуу нормаларын сактоого милдеттүү болушат", — деди Боронов.

Учурда Россиядан Кыргызстанга чартердик каттамдар жүргүзүлүп жатат.

Жаңылыктар түрмөгү
0