Мамкаттоо: мөөнөтү өтүп кеткен паспорт, каттоо үчүн айып салынбайт

© Sputnik / Табылды КадырбековКыргыз Республикасынын жаранын паспорту жана акча каражаттары. Архив
Кыргыз Республикасынын жаранын паспорту жана акча каражаттары. Архив - Sputnik Кыргызстан
Жазылуу
Документтердин жарактуу мөөнөтүн убактылуу узартууга уруксат берүү боюнча өкмөттүн токтому чыкты. Бул деген эл кезекке турбай, каалаган күнү, каалаган убакытта документинин мөөнөтүн узартып кете алат дегенди түшүндүрөт.

БИШКЕК, 21-май — Sputnik. Мөөнөтү өтүп кеткен паспорттордун жана чет элдик жарандардын, жарандыгы жок жактардын каттоо мөөнөтү убактылуу узартылды. Бул тууралуу Мамлекеттик каттоо кызматынан кабарлашты.

Билдирмеге ылайык, бүгүнкү күндө убагында мөөнөтүн узартпагандарга айып салынбайт.

Белгилей кетсек, бүгүн, 21-майда, калкты тейлөө борборлорунун иши жанданган. Мындан улам калаадагы филиалдардын биринде адамдардын узун кезеги пайда болгон. Мамлекеттик каттоо кызматы убактылуу каттоодо турган чет элдик жарандар көп болуп жатканын айткан.

"Документтердин жарактуу мөөнөтүн убактылуу узартууга уруксат берген өкмөттүн токтому чыкты. Бул эл тыгылышып кезекке турбай, каалаган күнү, каалаган убакытта документинин мөөнөтүн узартып кете алат дегенди түшүндүрөт ", — деди мекеменин маалымат кызматы.

Мөөнөтү узартылган документтер, убактысы:

  • 2004-жылкы үлгүдөгү КР жаранынын паспорту (эски үлгүдөгү ID-карта) жана чет жакта жүргөн жарандар үчүн 2006-жылкы үлгүдөгү жалпы жарандык паспорт 2020-жылдын 31-декабрына чейин жарактуу деп табылат;
  • Кыргызстандын аймагында каттоо мөөнөтүн узартууну каалаган чет элдик жарандар жана жарандыгы жок жактар өзгөчө кырдаал же өзгөчө абал режимдери алынган күндөн тарта 10 иш күнүнүн ичинде каттоосун узартышы зарыл.

Коронавирустун кесепети

Кыргызстанда коронавирус 1313 кишиден табылса, анын 929у айыгып, 14ү каза болду.

Национальный центр онкологии и гематологии в Бишкеке  - Sputnik Кыргызстан
Онкологиянын балдар бөлүмүндө медик, оорулуу бөбөктөрдөн коронавирус табылды
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Ушу тапта өлкө аймагында абал кандай болуп жатканын Sputnik жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0