16-марттан тарта Кыргызстанда мектептер менен ЖОЖдор үч апталык карантинге жабылган. Ошондой эле түнкү клубдар, кинотеатрлар, компьютердик клубдар ишин токтотту.
Өкмөт 16-марттан тарта күн сайын коронавирус боюнча Кыргызстандагы абал тууралуу маалымат берип турарын кабарлаган.
Sputnik Кыргызстан жыйындан тексттик трансляция жүргүзүүдө.
Министрдин орун басары каалаган адамдар коронавирус боюнча тестти акы төлөп пайдалана алабы деген суроого "ооба" деп жооп берди.
Исаков: КРде кайра жандандыруучу аппараттар жетиштүү. 624 аппарат бар. Эртең келишимге кол коюлса, Дүйнөлүк банктын каражатына дагы алабыз.
Министрдин орун басары 500 миңдей медициналык бет кап бир апта мурда дарыканаларга таратылган деп айтты. Анда 10 сомдон ашык сатылбасын деген эскертүү берилген.
"Бет капты ооруган адам гана тагынышы керек. Мен деле маскасы жок келдим. Дүрбөлөңгө түшпөө керек", — деди Исаков.
Бүгүнкү күндө Кыргызстанда 7000 тест-система бар. 5000ин Россиядан алдык. Дагы 10 000 тест-система сурадык.
“Азырынча вирустун жайылып кетүү кооптуулугу жок. Кыргызстанга өзгөчө абал киргизүүгө азарынча негиз жок деп эсептейм” деди саламаттык сактоо министринин орун басары Төлө Исаков маалымат жыйын учурунда.
Исаков: Өзгөчө абал эгерде вирус тез тарап кетсе кабыл алынат.
Вирус жуктургандарды абалы боюнча: жасалма дем алдыруучу аппаратка туташтырылдар жок.
Төлө Исаков: Сауд Аравия буга чейин III категореига киргендиктен, кичи ажылыктан кайтып келгендер карантинге алынган эмес.
Карантинге алынгандар үчүн өлкө боюнча 1600 койка даярдалган. Учурда обсервацияда 321 адам жатат.
Төлө Исаков: үй карантинине алынгандарга коюлган шарт төмөнкүчө: медиктердин байкоосунда болот. Кандайдыр бир той же элди чогултса жоопкерчиликке тартылат. Эки жакка чыкканга болбойт, кошуналарга, башка айылдарга бара албайт, короосунан да чыкпашы керек.
Бул жерде айылдагылардын баары эле байланышта болгон. Бирок контактыга баргандар деп үйүндөгүлөрдү, жанындагыларды санайбыз.
Исаков: биздин жарандар кооптуу мамлекетке барып келди. Ар бир жаран үйүнө барганга укуктуу да. Оору тарап кетти дегенибиз туура эмес.
Соңку бир айдын ичинде Умрадан 1000ден ашуун адам келген.
Ал эми коронавирус жуктурган үч адам менен кошо келген 135 адам Кыргызстандын бардык аймагына жашайт. Нарында, Ысык-Көлдө бирден, Чүйдө 10-15 адам, көбүнчөсү Бишкек шаарында, Ошто жана Жалал-Абад облустарында болду.
Исаков: өпкөнү жасалма дем алдыруучу аппараттар ар бир облуста жетиштүү деп айта алам. Кошумча алуу үчүн Дүйнөлүк банк менен сүйлөшүп жатабыз.
Исаков: умрага турист катары кетишет, андыктан маалыматтар азыраак. Алардын арасында депутаттардын бир тууганы, аялы, эжеси, губернатордун кызы бар экен. Алардын баарын бирдей карантинге алып жатабыз. Кызматына, даражасына караган жокпуз.
Төлө Исаков: тестсистема бизде жетиштүү. Россия, Япония, Түштүк Корея бул жаатта жардам берүүдө. Биринчи кезекте тесттен оору көп тарап жаткан өлкөдөн келгендер өтөт. Өлкөдөн сырткары мамлекеттерге чыгып келгендер да тесттен өтө алат. Андан сырткары, Корея, Япония жана башкалардан да келип түштү. Бирок жардамдын негизги бөлүгү Россияга туура келет. Алар тест-системаны дагы бере тургандыктан айтышты.
Исаков: Башка кургак учук, кызамык сыяктуу кооптуу оорулар бар. Алар адам өлүмүнө алып келип жатат. Коронавирустун вакцинасы жок болгондуктан кооптуу болуп турат.
Төлө Исаков: соцтармакта тамашалап ойнобойлу. Бул илдет тамаша эмес.
Исаков: Коронавирус боюнча маселе дүйнө боюнча кооптуу, кээ бир мамлекеттерде миндеп катталган. Кыргызстанда туруктуу деп айтар элем.
Исаков: болору болду, мындан жаманды да көргөнбүз, дүрбөлөңгө төшпөгүлө. Куш тусоосу жана чочко гриби башыбыздан өткөн.
Саламаттык сактоо министринин орун басары Төлө Исаков: 135 адамдын баарын таап текшерүүгө жаткырдык.
Коронавирус жуктуруп алган үч кыргызстандыктын абалы канааттандырарлык. Бул тууралуу Sputnik Кыргызстан агенттигинин кабарчысына Саламаттык сактоо министрлигинин маалымат катчысы Жылдыз Айгерчинова билдирди.
Анын айтымында, бейтаптар тыкыр көзөмөлгө алынган.
"Алардын дене табы маал-маалы менен көтөрүлүп жатат. Бейтаптар дарыгерлердин көзөмөлүндө", — деди Айгерчинова.
Ал арада Жалал-Абад облусуна мобилдүү лаборатория алып келине турганы маалым болду. Бул тууралуу Республикалык өзгөчө коркунучтуу жугуштуу оорулар жана карантин борборунун директору Сабыржан Абдукеримов билдирди.
Маалыматка ылайык, мобилдүү лабораторияда анализ алынып, андан соң борборго жөнөтүлөт. Анын бир күн ичинде 100 адамды кабыл алууга мүмкүнчүлүгү бар.
Өлкөдө жалпы үч мобилдүү лаборатория бар, анын бири Ош шаарына берилген.
Азыр саламаттык сактоо министринин орун басары Төлө Исаков өлкөдөгү соңку кырдаал боюнча маалымат бере турганы айтылды.
Мындай маалыматты өкмөттүн аталган облустагы өкүлчүлүгү билдирди.
Ага ылайык, Баткен районунда жети, Кадамжай районунда бир адам ооруканада. Алардан анализ алынып, коронавирустун белгилери табылган эмес.
Облус жетекчиси Алишер Абдрахманов тиешелүү жетекчилерди чогултуп, карантинге алынган адамдардын абалын текшерүүгө алуу, жакындары менен байланышына тыюу салууга милдеттендирди. Мындан тышкары, бардык медициналык жардамдарды көрсөтүү, алардын жашаган үй-жайын, коомдук жайларды, транспортторду дезинфекциялоо тапшырылды.
Баткен облусунда учурда азык-түлүк, медициналык каражаттар, дары-дармектер боюнча тартыштык жок.
Бүгүндөн тарта Жалал-Абад шаарындагы мамлекеттик мекеме менен ишканаларга сырттан келген жарандардын киришине чектөө коюлду. Маалыматты Sputnik Кыргызстан агенттигине шаардык мэриядан тастыкташты.
Ага ылайык, учурда мэриянын имаратына кызматкерлерден башка бөлөк адамдар киргизилбей жатат. Эми алар менен телефон аркылуу гана байланышып иштөөгө болот.
Башка мекемелерге дагы ушундай тартипте иштөө сунушталганы айтылды.
"Урматтуу мекендештерим! Дүйнөлүк коомчулук менен бирге, биз дагы коронавируска каршы күрөшүү үчүн орчундуу сыноого туш келдик. Тилекке каршы, биздин өлкөбүздө да бул илдетти жуктурган адамдар аныкталды. Мындай кырдаалда мамлекеттин эң башкы милдети — жалпы элибиздин саламаттыгын сактоо. Азыркы учурда өлкөдөгү медициналык кырдаал толук бойдон көзөмөлдө турат.
Дарыгерлерибиз тиешелүү даярдыктан өткөн, бул илдеттен кандай дарылоо керектигин билишет.Учурда мамлекеттик органдардын, жергиликтүү бийликтин жана элдин чогуу аракети талап кылынат. Мен баарыңыздарды тартипти катуу сактоого чакырам.
Бүгүн жалпы коомдун саламаттыгы үчүн ар бир жаран, ар бир ата-эне жооптуу. Ар бир үй-бүлө өздүк гигиенанын талаптарын толук аткарышы абзел. Зарылдыгы жок болсо, үйдөн чыкпай, башкалар менен жолугууну максималдуу кыскартуу зарыл. Оорунун биринчи белгилери пайда болгон учурда, алгач эч жакка барбастан, телефон аркылуу врачка кайрылуу керек.
Чет өлкөдөн келген ар бир жаран обсервациянын жана үй карантиндин шарттарын кынтыксыз сактоого милдеттүү. Айрым адамдардын бул талаптардын чегинен чыгуу аракеттерине кескин түрдө бөгөт коюлат. Ар кандай жыйындарды, оюн-зоок иштерди, тойлорду, мааракелерди токтотуп туруу зарыл.
Мектептерде окутуу убактылуу токтотулду. Жогорку окуу жайлары аралыктан окутууга өткөрүлдү. Чек аралар, өткөрүү пункттары, аэропорттор катуу кайтарылган тартип менен иштеп жатат. Коомдук тартипти сактоо, өлкөнүн аймагына кирип-чыгуу иштери күчөтүлгөн тартипке которулду.
Урматтуу мекендештерим!
Азык-түлүктүн, дары-дармектин жана медициналык буюмдардын запасы жетиштүү. Бул товарлар менен калкты туруктуу камсыз кылуу үчүн мамлекеттик органдар жана жергиликтүү бийлик тынымсыз иштеп жатат. Кооптонууга себеп жок.
Бүгүнкү кырдаалга өтө жоопкерчилик менен мамиле кылуу керек.
Дүрбөлөң салууга, коомдун тынчтыгын бузууга аракет кылгандар, чайкоочулук кылам дегендер, тамак-аштын жана дары-дармектин баасын негизсиз көтөргөндөр көз жаздымда калбайт.
Тиешелүү жоопкерчилигин тартат.
Азыр ар бир мекендешибиз өз кызыкчылыгын көздөбөй,элибиз аман болсун, эл арасында мен аман болоюн" деген түшүнүктү бекем кармануусу зарыл.
Кыргыз Республикасынын Өзгөчө кырдаалдар министрлиги коронавируска байланыштуу суроолор боюнча 112 номерине өлкөнүн бардык аймагынан чалууга болот. Чалуу акысыз.
Ал арада Тышкы иштер министрлиги чет өлкөдөгү кыргызстандыктар кандай жол менен мекенине кайта аларын да айтып берди.
Казакстандын аэропортунда Индиянын Дели шаарынан келе жаткан кыргызстандыктар чыга албай кармалып турушат. Бул тууралуу Коронавирусту алдын алуу боюнча ыкчам штабдан кабарлашты.
"Азыр Алматынын аэропортунда 19 кыргызстандык чыга албай турат. Анткени Казакстан чек арасын чет өлкөлүктөр үчүн жаап салган. Бактыга жараша, Тышкы иштер министрлиги казак тарап менен кыргызстандыктарды алып чыгып кетүү жөнүндө макулдашууга жетишти. Алар үчүн трансфер уюштурулмакчы", — деп айтылат билдирүүдө.
Ушундай эле тагдыр Казакстан аркылуу кайтууну пландаган башка кыргызстандык туристтерди күтүп турганы кошумчаланды.
ТИМ өкүлү: Чет өлкөдөгү дипломаттар күнү-түнү иштеп жатат. Консулдук каттоого туруу максатында кайрылгандардын саны арбып жатат.
Биздин жарандарга кантип Кыргызстанга кайтуу боюнча альтернативдүү сунуштар, жолдор айтылууда.
Чет өлкөдөгү Кыргызстандын жарандарында коронавирус аныкталган жок. Бул туурасында Тышкы иштер министринин орун басары Нурлан Абдырахманов билдирди.
Коронавирус жуктуруп алгандар менен чогуу келген 45 адам изделүүдө.
Республикалык штаб: коронавирус жуктуруп алышкан үч кыргызстандык Сауд Аравиясынын 12-мартта учуп келишкен. Самолетто алар менен чогуу дагы 135 адам болгон, алардын ичинен 90 адам 18-марттын таңына карата изоляциялоого алынышты. Калган 45 жүргүнчүнү издөө жүргүзүлүүдө.
Коронавирусту алдын алуу боюнча ыкчам штаб тынымсыз байланыш номерлерин ишке киргизди.
0312 323202 номери аркылуу жарандар коронавирус боюнча балдык суроолору менен адистерге кайрыла алышат. Ошондой эле 0770 895556 номери менен WhatsApp мессенжери иштөөдө.
Чукул кырдаал киргизилиши мүмкүн. Бул туурасында Алтынай Өмүрбекова билдирди.
Чукул кырдаал кандай деңгээлде болору Коронавирустун алдын алуу боюнча республикалык штабда талкуланат. Штаб ушу тапта жыйынга чогулууда.
Негизи Умрага январь айынан баштап бара башташкан. Министр алардын качан учуп, канча күн жүргөнү боюнча так маалымат бере алган жок.
Адатта умрадан кайтып келген жарандар үйүнө көп киши чакырып маараке өткөрөт. Мындан иш-чаралар өткөрүлгөнбү же жокпу деген суроого министр Космосбек Чолпонбаев азырынча такталып жатат деп жооп берди. Учурда эң биринчи байланышта болгон адамдарын аныктап жаткырылганын айтты.
Бейтаптар 70, 62 жана 46 жашта экени айтылды
"Өзгөчө кырдаал тартиби боюнча чечимди мамлекет өзү кабыл алат", — деди министр
Булар менен кошо 135 киши учуп келген. 90 киши табылып, анадиз тапшырууда.
Коронавирусту жуктуруп алгандардын баары эркек кишилер. Алар БАЭден 12-март күнү келишкен. Учурда алар Жалал-Абаддагы ооруканада жатышат.
Биринчи кезекте дүрбөлөң түшпөө керек. Дистанцияны катуу кармашыбыз зарыл. Өзүн начар сезген адамдар үйдөн чыкпай отуруп, 103 кызматына же аймактык бейтапканаларга чалуусу керек.
Министр коронавирустун жаман жери — ага каршы вакцинанын жок болуп жатканы экенин айтты.
"Кургак учук менен дүйнөдө жылына 10 миллион адам ооруп, 1,6 миллион адам каза табат. Ал эми КРВИ менен жылына 3-5 миллион адам ооруса, 600 миңи көз жумат. Корь илдетине 9 миллион адам чалдыкса, 140 миң адам каза табат" , — деп мисал келтирди министр.
Министр: коронвирустун келиши күтүүсүз болгон жок, биз ага каршы туруу үчүн үч ай даярдык көрдүк.
Ошондой эле ал эл көп чогулган жерден оолак болууга, каникулга чыккан балдарды көчөгө чыгарбай үйдө кармоо керектигин эскертти.
"Бизде дары-дармек, дарыгердер, ооруканада орундар жетиштүү. Ооругандар менен байланышта болгон кишилерди карантинге алып, кароого мүмкүнчүлүк бар", — деди министр Чолпонбаев.
Космосбек Чолпонбаев: Негизи Сауд Аравия 1-категорияга кирчү эмес.
Космосбек Чолпонбаев элди дүрбөлөң түшпөөгө чакырды. Кытай бул ооруну бекем тартип менен жеңип жатканын билдирди.
Зарыл болбосо командировкаларды, тойлорду токтотуп, бири-бириңер менен катыш-байланыштарды азайтып тургула", — деди министр Чолпонбаев.
"Коронавирус катталган мамлекеттен келсеңер, жөтөлүп, дене табыңар көтөрүлсө, медициналык кызматкерле кайрылгыла. Калганын врачтар карайт. Кымындай шек болсо дароо кайрылгыла”, — деди министр.
Космосбек Чолпонбаев: эч убакта паникага алдырбашыбыз керек. Медиктер ДССУнун алгоритми боюнча иштеп жатат.
Министрн Чолпонбаев: изилдеп, анализин алганбыз. 12-мартта Саждадан келишкен. Медкызматкерлер көзөмөлдөп турушкан. Жалал-Адабаддын Сузак районундан умрадан келген аялдын дене табы көтөрүлгөн. 8 адамдан алып, Ошко жеткирип, 3 адамдыкы Бишкектен да текшерилип, 2 лабораториядан такталды.
Кыргызстанда коронавирус жуктуруп алган үч киши аныкталды. Алар Бириккен Араб эмирлигинен умрага барып келгендер болуп чыкты.
Өкмөт өлкөдөгү абал тууралуу күн сайын маалымат берип турарын айткан.
Акыркы маалымат боюнча Казакстанда коронавирусту жуктуруп алгандардын саны 35 кишиге жетти.
