Министр Чолпонбаев: паникага алдырбагыла, ооруга каршы тура алабыз

© пресс-служба мэрии города БишкекСаламаттык сактоо министри Космосбек Чолпонбаев
Саламаттык сактоо министри Космосбек Чолпонбаев  - Sputnik Кыргызстан
Жазылуу
Бүгүн Кыргызстанда коронавирус жуктуруп алган алгачкы учур катталды. Жуктуруп алган үч киши азыр Жалал-Абаддын инфекциялык ооруканасында. Алар Сауд Аравиясынан келишкен.

БИШКЕК, 18-мар. — Sputnik. Эч убакта паникага алдырып, дүрбөлөңгө түшпөшүбүз керек. Бул ооруну тартип жана тазалык менен гана жеңе алабыз. Бул тууралуу саламаттык сактоо министри Космосбек Чолпонбаев брифинг учурунда айтты.

Эске салсак, бүгүн Кыргызстанда коронавирус жуктуруп алган ачгачкы учур катталды. Жуктуруп алган үч киши азыр Жалал-Абаддын инфекциялык ооруканасында. Алар Сауд Аравиясынан келишкен.

"Вирустун очогу болгон Кытай аны бекем тартип жана тазалык менен гана жеңип жатат. Негизгиси ар бирибиз өзүбүзгө жана үй-бүлөбүзгө жоопкерчиликтүү болуп, гигиенаны сактайлы", — деди министр.

Ошондой эле ал медиктер Дүйнөлүк саламаттыкты сактоо уюмунун (ДССУ) алгоритми менен иштеп жатканын билдирди.

"Азыр медициналык жайларда орундар, медиктер жана дары-дармек жетиштүү", — деди ал.

Мындан сырткары, Чолпонбаев өзүнөн кандайдыр бир белгини байкагандарга үйдөн чыкпай, дарыгер чакыртууну сунуштады.

Жаңылыктар түрмөгү
0