10:58 22 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Кыргызстандын тышкы иштер министри Чыңгыз Айдарбеков. Архивдик сүрөт

Чоң атасы атууга кеткен. Министр Чыңгыз Айдарбеков тууралуу 8 факты

© Пресс-служба президента КР / Султан Досалиев
Коом
Кыскача шилтеме алуу
637430

Интернет колдонуучулар министр Чыңгыз Айдарбековду колдоого алып, атургай айрымдары аны келечектеги президент катары көрөрүн жазып чыгышты.

Кыргызстандын тышкы иштер министри Чыңгыз Айдарбеков БУУнун Башкы Ассамблеясынын 74-сессиясында доклад окугандан кийин социалдык тармактарда бир топ колдоо тапты.

Дүйнөлүк трибунада туруп өзүнө ишенимдүү сүйлөшү, мыкты дикциясы көпчүлүктүн купулуна толуп, аны келечекте өлкө лидери катары көргүсү келгендер дагы четтен чыкты.

Мындан улам Sputnik агенттиги министр тууралуу кызыктуу фактыларды топтоп көрүүнү чечти.

Туулган жылы жана жери

Айдарбеков октябрь айынын 27синде 42 жашка чыгат. Ал 1977-жылы Бишкек шаарында туулган

Билими

1998-жылы Кыргызстандын эл аралык университетин аяктап, "Эл аралык байланыштар" боюнча адистигине ээ болгон. 2001-жылы ушул эле университетте "Юриспруденция" боюнча магистратураны бүтүргөн. Ал эми эки жыл мурда Кыргыз-Россия славян окуу жайынын аспирантура бөлүмүн бүтүрдү. Илимий даражасы — юридикалык илимдердин кандидаты. Кыргыз, орус жана англис тилдеринде эркин сүйлөйт. 

Посол Кыргызстана в Японии Чингиз Айдарбеков. Архивное фото
© Фото / пресс-служба МИД КР
Посол Кыргызстана в Японии Чингиз Айдарбеков

Жогорку Кеңеште

2012-жылдан тарта 2016-жылга чейин КР Жогорку Кеңешинин аппаратынын эл аралык байланыштар жана протокол бөлүмүн жетектеген. Дал ошол жылдары Айдарбеков ишинен өзгөчөлөнүп, өлкө жетекчилеринин көзүнө көрүнө алганы айтылып жүрөт.

Кайсы мамлекеттерде иштеген?

Айдарбеков Кыргызстандын бир катар чет өлкөлөрдөгү өкүлчүлүктөрүндө эмгектенген. Мисалы, 2005-2008-жылдары Кыргызстандын Өзбекстандагы элчилигинде биринчи катчы, 2008-2010-жылдары Кыргызстандын Түркмөнстандагы элчилигинде кеӊешчи болгон. 2016-жылдан баштап тышкы иштер министри кызматына дайындалганга чейин Кыргызстандын Япониядагы атайын жана ыйгарым укуктуу элчиси болгон

Президент КР Сооронбай Жээнбеков принял министра иностранных дел страны Чынгыза Айдарбекова
© Пресс-служба президента КР / Султан Досалиев
Президент КР Сооронбай Жээнбеков принял министра иностранных дел страны Чынгыза Айдарбекова

Тектүү жердин уулу

Чыңгыз Азаматович тектүү жерден чыккан. Расмий маалымат боюнча, министр кыргыз мамлекеттүүлүгүнүн негиздөөчүлөрүнүн бири, коомдук жана саясий ишмер Иманалы Айдарбековдун небереси. Ал 1938-жылы репрессиянын каары менен атууга кеткен. Анткен менен 1958-жылы репрессиянын курмандыктары, белгилүү саясий ишмерлер менен бирге акталган.

Ал эми үй-бүлөгө жакын адамдардын айтымында, Чыңгыз Айдарбеков Иманалы Айдарбековдун жээн небереси болуп кетет.

Өз атасы Азамат Эгембердиев медицина илимдеринин доктору болуп, Россиянын Илимдер академиясынын онкология борборун жетектеген. 

Үй-бүлөсү

Айдарбеков келинчеги Асел Базаркулова менен үч баланы тарбиялайт. Жубайы кесиби боюнча юрист. 

Выступление министра иностранных дел Кыргызстана Чингиза Айдарбекова на 74-й сессии Генеральной Ассамблее ООН. 28 сентября
© REUTERS / BRENDAN MCDERMID
74-я сессия Генеральной Ассамблее ООН

Кирешеси

Тышкы иштер министри ЖМКлар үчүн жабык, тагыраагы, өзү тууралуу айта берүүнү жактырбайт. Атургай бир нече ай мурун Sputnik агенттигине айлыгы тууралуу маалымат берүүдөн баш тарткан. Ал эми Кыргызстандын Япониядагы атайын жана ыйгарым укуктуу элчиси болуп жүргөн кезде (2016-жылы) 2 миллион 224 миң сомдук киреше тапканын декларациясында көрсөткөн.

Сыйлыктары

2011-жылы натыйжалуу жана чын дилинен аткарган кызматы үчүн КР президентинин атынан алкыш жарыяланган. Кийинки эле жылы Жогорку Кеңештин төрагасынын атынан алкыш алган. Эл аралык кылмыш укугу, тынчтыкка жана адамзат коопсуздугуна каршы кылмыштар боюнча 10дон ашык илимий макалалардын автору.

Тема боюнча

Кыдыкстан. БУУда Кыргызстан деген сөздү айта албай кыйналышты
Белгилер:
талкуу, пикир, доклад, БУУ, Чыңгыз Айдарбеков

ЭҢ МААНИЛҮҮ