БИШКЕК, 31-май — Sputnik. Башкы прокуратура мурдагы вице-премьер-министр Дүйшөнбек Зилалиевдин ишин Биринчи Май райондук сотуна берди. Бул тууралуу Башкы прокуратуранын маалымат кызматынан билдиришти.
17 Бештин айы 2018, 18:46
Прокуратура аткаминер мыйзамсыз жол менен байыган деген кине коюуда. Ага ылайык, Зилалиев 2010-жылдан 2017-жылга чейинки мезгилде бир катар мамлекеттик кызматтарда — Коргоо кеңешинин катчысынын орун басары, Геология жана минералдык ресурстар боюнча мамлекеттик агенттиктин директору, Өнөр жай, энергетика жана жер казынасын пайдалануу мамлекеттик комитетинин төрагасы, вице-премьер-министр жана Мамлекеттик мүлк фондусунун жетекчиси болуп иштеп, расмий кирешесинен бир нече эсе көп мүлктөрдү сатып алган деп айыпталууда.
Зилалиев 2018-жылы 8-декабрда кармалган. УКМК анын банктагы жеке эсебинен 889 миң 900 доллар таап, үй-жайын тинтүүгө алганын айткан. Өз кезегинде Зилалиев ага коюлган айыптарды негизсиз жана жалган деп келет.
