09:57 19 Кулжа 2019
Түз эфир
  • USD69.7305
  • EUR78.0284
  • RUB1.0839
Тамеки чегүү. Архив

Тамеки чегүүгө болбой турган жерлер. Мыйзамдагы урунттуу учурлар

© AFP 2019 / JOE KLAMAR
Коом
Кыскача шилтеме алуу
3622 0 0

Кайсы жерде чылым тартууга болбой турганын жана ал үчүн канча айып салынарын билип алыңыз.

Бул материалда 1-январдан тарта күчүнө кирген Эреже бузуулар жөнүндөгү кодекстен жана 2006-жылы кабыл алынган "КР жарандарынын ден соолугун тамекинин жана аны керектөөнүн зыяндуу таасиринен коргоо жөнүндөгү"  мыйзамындагы (акыркы жолу 2017-жылы редакцияланган) маанилүү нерселер топтолду.

Кайсы жерде тамеки тартууга болбойт?

Мыйзамда тамеки чегүү, анын ичинде кальян жана башка кошулмаларды тартууга толук тыюу салынат:

— менчик ээсине карабастан бардык билим берүү уюмдарында, балдардын эс алуу жайларында;

— Саламаттык сактоо жайларында;

— өрт чыгуу кооптуулугу жогору жерлерде, май куюучу жайларда;

— кинотеатрларда, театрларда, спорт аянтчаларында, циркте, концерт залдарында, ошондой эле маданий жана иш-чаралар өтчү жабык жайларда;

— китепканада, көргөзмө залдарында, аудиторияда;

— шаардагы салондордо, шаар аралык автобустарда, маршруттук таксилерде жана шаардык электротранспортто;

— сууда жана абада жүрчү транспортто;

— лифтте;

— элге кызмат көрсөткөн жабык жумуш орундарында;

— үйлөрдүн подъезддеринде;

— мамлекеттик жана жергиликтүү өзүн-өзү башкаруу органдары жайгашкан имаратта жана бөлмөдө;

— имараттар менен автостанция залдарында, автовокзалдарда, темир жол вокзалдарында жана аэропорттордо;

— атайын тамеки тартуу жайы каралбаган коомдук тамактануу жайларында (кафе, ресторан жана башка — ред.);

Тамекини, кальянды жана башка кошулмаларды атайын жабдылган жерлерде гана тартууга болот. Жабдууларга болгон талапты өкмөт бекитет.

Айып пулдар

Тыюу салынган жерде чылым чеккендерге эскертүү берилет же I категориядагы айып салынат (жеке жактарга 1000 сом, юридикалык жактарга 5 миң сом).

Белгилей кетсек, айып пул өлчөмү боюнча сегиз категорияга бөлүнөт жана эреженин бузулгандыгына карап айып пул чегерилет.

Тема боюнча

Түркияга чейин экспорттолгон пахта, тамеки... Ош облусунда эмнелер өндүрүлөт
Аялдамада түкүрүнүп, тамеки тарткан милиционерди жетекчилик издөөдө. Видео
Кырчында тамеки тарткандар айыпка жыгылат. Акчанын көлөмү
Белгилер:
жаза, айып пул, Кыргызстан

ЭҢ МААНИЛҮҮ