БИШКЕК, 17-дек. — Sputnik. Бишкек мэриясы жол эрежесинин бузулушун фото жана видеокаттоого алган 10 камера кайсы көчөлөргө орнотула турганын айтып берди.
"Коопсуз шаар" долбоорун ишке ашыруу мэр Азиз Суракматовдун жетекчилиги менен дүйшөмбүдө өткөн кеңеште талкууланды.
Камераларды 2019-жылдын 10-февралына чейин орнотуу пландаштырылган.
Көчөлөрдүн кесилиши:
- Жибек Жолу — Жаш Гвардия;
- Чүй — Фучик;
- Чүй — Бейшеналиева (Ош базарынын аймагы);
- Жибек Жолу — Фучик;
- Чүй — Жаш Гвардия;
- Бөкөнбаев — Абдрахманов;
- Жибек Жолу — Абдрахманов;
- Чүй — Курманжан датка;
- Москва — Абдрахманов;
- Горький — 7 Апрель.
"Коопсуз шаар" долбоорун өкмөт төрт жыл мурун демилгелеген. Биринчи тендердин жыйнтыгы жокко чыгарылып, экинчиси жарыяланган. 2015-жылдын январында россиялык "Стилсофт Бишкек" компаниясы жеңүүчү деп табылып, бирок ИИМ анын шарт-талабына макул болбой, компанияны сотко берген. Кийинчерээк долбоорду Кытайдын Huawei компаниясы ишке ашырмай болот, бирок инвестор коюлган талаптарды аткарбагандыктан бул келишим да жокко чыгарылган.
