11:53 26 Баш оона 2019
Түз эфир
  • USD69.7882
  • EUR77.2311
  • RUB1.0638
Оорукана. Архивдик сүрөт

Жаңы программа! Элдин саламаттыгын жакшыртууга 2,3 млрд.сом керек

© Sputnik / Табылды Кадырбеков
Коом
Кыскача шилтеме алуу
84 0 0

Программадагы алгачкы кадамдарды ишке ашыруу үчүн 2023-жылга чейин 5,1 миллиард сом талап кылынат.

БИШКЕК, 8-авг. — Sputnik. Саламаттыкты сактоо министрлиги калктын ден соолугун сактоого жана бул тармакты 2019-2030-жылдар аралыгында өнүктүрүүгө багытталган программасын өкмөткө жиберди.

"Дени сак адам — гүлдөп өнүккөн өлкө" аталышындагы документ өкмөттүн расмий сайтына жарыяланып, коомдук талкууга коюлду. Министрлик программанын долбоору Кыргызстандын 2018-2040-жылга чейинки туруктуу өнүгүү стратегиясын эске алуу менен даярдалгандыгын кабарлашууда.

Программада аталган системаны 2030-жылга чейинки максаттары менен милдеттери жазылган. Ага бул тармактагы приоритеттүү багыттар кирип, дары-дармек, лабораториялык кызмат, электрондук саламаттыкты сактоону жакшыртуу өңдүү бир катар маселелер киргизилген.

Министрлик программадагы пландарды ишке ашыруу үчүн 2023-жылга чейин алгач 5,1 миллиард сом керектигин жар салды. Учурда 2,9 миллиард сомун (56,9 пайызын) каржылоого мүмкүнчүлүк бар, анын 1,92 миллиард сому мамлекеттик бюджеттен алынса, 95 миллион сому башка булактардан тартылат.

Андан сырткары, 2,3 миллиард сом же 45,1 пайызын издеп табуу керек. Ал эми эл аралык донорлор ал программага каржылык колдоо көрсөтүү үчүн 3,4 миллиард сом бөлүп берүүгө даярдыгын айтышууда.

Тема боюнча

Ишенапысова: алты айдын ичинде кызамык оорусу менен 335 учур катталды
Кыргызстандыктар кызылча оорусу жөнүндө эмнени билиши керек? 8 суроого жооп
Жээнбеков онкологиялык ооруканада дарыланып жаткан балдарга 2,4 миллион сом бөлдү
Онкология борборунун башчысы Тилеков: энем өлсө кантип ыйлайм деп сарсанаа болдум
Белгилер:
саламаттык сактоо, программа, медицина, Кыргызстан

ЭҢ МААНИЛҮҮ