БИШКЕК, 3-окт. — Sputnik. Мамлекеттик каттоо кызматы менен Республикалык кан борбору электрондук паспорттогу маалыматтарды окууга мүмкүнчүлүк алуу жөнүндө келишимге кол койду. Бул тууралуу Мамкаттоонун маалымат кызматы билдирди.
Белгилей кетсек, буга чейин социалдык тармактын колдонуучулары кан борборуна биометрикалык паспорт менен баргандар кан тапшыра албай, кайта кетип жатканын жазышкан болчу.
"Мындай келишим республикалык кан борборуна биометрикалык паспорту барларды онлайн режимде катталган жерин, үй-бүлөлүк абалын жана донор болорун же боло албастыгын билүүгө болот", — деп жазылат маалыматта.
Мамлекеттик каттоо кызматынын маалымат катчысы Мелис Эржигитов түзүлгөн келишимдин негизинде кан борборунун өкүлдөрү иш ордунан интернет аркылуу биометрикалык паспорту бар кишилердин маалыматтарын окуй аларын кошумчалады.
