"Дыйкан" базары 21-апрелден тарта убактылуу жабылат

Жазылуу
"Дыйкан" базары мунай базасына жакын жайгашып, өрт коопсуздугуна жооп бербейт.

БИШКЕК, 20-апр. — Sputnik. "Дыйкан" базарын убактылуу жабуу чечими кабыл алынгандыгын Sputnik Кыргызстан агенттигинин мультимедиалык маалымат борборундагы жыйында Бишкектин Ленин районунун акими Нурдин Тынаев билдирди.

Анын айтымына караганда 2016-жылы Мамэкотехинспекциясы тарабынан аныкталган коопсуздук эрежелеринин бузулушу жоюлмайынча базар убактылуу жабык болот.

Ал ошондой эле базарды такыр эле жаап салууга бир нече себептер бар экенин айтып өттү.

"Базардын аймагына товар ташыган фуралардын арбын катташы тыгын жаратып келет. Эң башкысы мунай базасы рынокко жакын жайгашып, өрт коопсуздугу сакталган эмес. Мындан тышкары, шаардык казынага базардан эч кандай каражат түшпөйт", — деди Тынаев.

Албек Ибраимов Дыйкан базарынын айланасындагы чырга түшүндүрмө берди - Sputnik Кыргызстан
Албек Ибраимов "Дыйкан" базарынын айланасындагы чырга түшүндүрмө берди
Базардагы соода-сатык 21-апрелден тарта токтотулат. Чечимдин аткарылышын көзөмөлдөө прокуратура органдарына жүктөлдү.

Өткөн жылдын октябрь айында Мамэкотехинспекциясы базар өрт коопсуздугунун талаптарына жооп бербей турганын жана антисанитардык абалда экенин аныктаган.

Текшерүү иштери ноябрь айында дагы жүргүзүлүп, тогуз мыйзам бузуу жоюлганы аныкталган. Анткен менен айрым курулуш иштерине карата уруксат кагаздары берилген эмес. Ошондой эле базар менен нефть базасынын аралыгы 30 метрди гана түзөт. Эреже боюнча нефть сакталган жайдын алыстыгы 100 метрден кем болбошу керек.

Жаңылыктар түрмөгү
0