01:53 05 Баш оона 2021
Түз эфир
  • USD84.7102
  • EUR100.3901
  • RUB1.1638
Саясат
Кыскача шилтеме алуу
104 0 0

Башкы прокуратура Бишкек шаардык кеңешинин төрагасы жана шаар мэринин айлыктары жасалма жол менен 120 миң жана 150 миң сомго жеткирилгенин аныктады.

БИШКЕК, 28-май — Sputnik. Башкы прокуратура Бишкек шаардык кеңешинин төрагасы Жаныбек Абировго карата кылмыш ишин козгоду. Бул тууралуу ведомствонун маалымат кызматынан билдиришти.

Көзөмөл органы Бишкек мэриясы менен шаардык кызматтарда коррупцияга каршы мыйзамдын канчалык деңгээлде аткарылып жатканын текшерүү маалында бир катар мыйзам бузууларды аныктаган.

"Шаардын прогноздолгон бюджети жасалма жол менен көбөйтүлүп, айрым кызматкерлердин айлыгы жогорулатылган. Мисалы, өзгөчө жоопкерчиликтүү жана маанилүү кызматтарга теңөө жолу менен Бишкек шаардык кеңешинин төрагасы жана шаар мэринин айлыктары 120 миң жана 150 миң сомго жеткирилген. Мунун аркасынан 2019-жылдан 2021-жылдын биринчи кварталына чейин мамлекетке 214 581 700 сом зыян келтирилген", — деп айтылат билдирүүдө.

Ошондой эле прокуратура бюджет долбоорун шаардык кеңештин төрагасы Жаныбек Абиров бекитип жаткан учурда мыйзамсыз айлык төлөнүп жаткандыгы боюнча маселе талкуусуз калтырылган деп эсептейт.

Аталган факты боюнча Башкы прокуратура Абировго жана башка кызмат адамдарына карата материалдар чогултулуп, КР Жазык кодексинин 320-беренесине ("Кызмат абалынан кыянаттык менен пайдалануу") ылайык Кылмыш жана жоруктардын бирдиктүү реестрине катталды.

Тема боюнча

Сот Бишкектин экс-вице-мэри Алымкуловду 260 миң сомдук айыпка жыкты
Аскер прокуратурасы Тимур Файзиевге издөө жарыялады
Белгилер:
Бишкек, мэрия, Башкы прокуратура, Жаныбек Абиров, кылмыш иши

ЭҢ МААНИЛҮҮ