13:44 17 Кулжа 2019
Түз эфир
  • USD69.8500
  • EUR78.7838
  • RUB1.0841
Кыргызстандын учурдагы президенти Сооронбай Жээнбеков жана экс-президенти Алмазбек Атамбаев. Архив

Атамбаев Жээнбеков менен элдешүү үчүн кандай аракет кылганын айтты

© REUTERS / Vyacheslav Oseledko / Pool
Саясат
Кыскача шилтеме алуу
672 0 0

Мурдагы президент элдешүү бир тараптан боло албастыгын, ал үчүн эки тараптан кадам жасалышы керек деген пикирин билдирди.

БИШКЕК, 10-дек. — Sputnik. Мурдагы президент Алмазбек Атамбаев "Апрель" телеканалына маек берип жатып, азыркы президент Сооронбай Жээнбеков менен элдешүүгө кандай аракет кылгандыгын айтты. 

"Албетте, бул чыр-чатактын эч ким кереги жок болучу. Улуу болгонум менен жыл башында бир топ кишини ортого салдым. Уялбай эле ачык айтайын. Фарид Ниязов да жакында маегинде ачык айтпадыбы. Ал киши да Жээнбековдун аппараттагы жакын адамына сүйлөшүп, өзү да барган. Андан кийин 2-3 депутат кирген. Мен да ынтымак, тынччылык керек деп айткам. Жээнбековдор муну башкача түшүнүптүр", — деди Атамбаев.

Ал элдешүү бир тараптан боло албастыгы, элдешүү үчүн эки адам бири-биринин колун кысышы керек деген пикирин айтты.

Экс-президент Алмазбек Атамбаевдин архивдик сүрөтү
© Пресс-служба президента КР / Султан Досалиев
Атамбаев буга чейин бийликке сунуш катары айтылган пикирлери эске алынбай, азыркы бийлик коррупция менен күрөшүп жаткандай түр көрсөтүп, саясий оппоненттерди жок кылуу менен алектенип жатат деген оюн айткан жайы бар.

Ал эми кийинчерээк президент Жээнбеков Атамбаев менен эмнеге чырдаша кеткенин айтып берген. "КСДПнын съезди учурунда мени коррупция жана ТЭЦтеги авария боюнча күнөөлөдү", — деген Жээнбеков.

Жээнбеков 2009-жылы президенттике КСДПдан талапкер болуп чыккан Атамбаевдин штабын жетектегенин, ошол учурдагы режимден коркуп аны колдогондор жокко эсе болгонун белгилеген. 

Тема боюнча

Жээнбеков менен Атамбаев эмнеге жолугушуусу керек. Эксперттердин пикири
Жээнбеков Атамбаев менен эмнеге чырдаша кеткенин айтып берди
Белгилер:
элдешүү, саясат, президент, Сооронбай Жээнбеков, Алмазбек Атамбаев

ЭҢ МААНИЛҮҮ