АКШда мас кызга асылды деп кармалган КР жаранынын эжеси үн катты

© Sputnik / Алексей Филиппов / Медиабанкка өтүүГорода мира. Нью-Йорк
Города мира. Нью-Йорк - Sputnik Кыргызстан
Жазылуу
Эжеси иниси жана анын үй-бүлөсү тууралуу айтып берди

БИШКЕК, 9-мар. — Sputnik. АКШнын Чикаго шаарында таксиге түшкөн кардарга асылды деп айыпталып жаткан Мурасбек Элчиев мындай кадамга бармак эместигин эжеси Жанна Элчиева Sputnik Кыргызстан агенттигине билдирди.

АКШнын желеги. Архив - Sputnik Кыргызстан
ТИМ АКШда кармалган Теңгиз Сыдыковдун баш коргоо чарасын айтты
Эске салсак, АКШнын Чикаго шаарында такси айдап иштеген 27 жаштагы Элчиевдин автоунаасына мас болуп түшкөн жүргүнчү кызды уурдап, ага асылган деген шек менен кармалганы кабарланган.

Жанна Элчиева инисине коюлуп жаткан бул маанидеги айыптоого макул эмес. Анын айтымында, ал мындай кадамга бармак эмес. Тергөөнүн купуялуулугу үчүн окуянын чоо-жайы азырынча жарыялана элек.

"Анын мүнөзү жумшак, чыр-чатакка жакын эмес. Достору, тааныштары жакшы адам катары билишет. Үй-бүлөдөгү жалгыз бала, үч эжеси бар. Ата-энебиз дарыгер, Ошто жашайт", — деди Элчиева.

Ал иниси Мурасбек жети жылдан бери Чикагодо жашап, иштеп жүргөнүн айтты. Кыргызстанда экономист адистиги боюнча жогорку билим алган. Англис тилин үйрөнүп Америкага кеткен. Ал жакта таксист болуп иштечү. Үй-бүлөсүнө жардам берип, ата-энесине акча салып турат. Көп жылдан бери бир гана такси айдап иштеп, жетекчилиги тарабынан эч кандай катуу сөз укпаганын кошумчалады.

Мурасбек Чикагодон азыркы жубайы менен таанышып, үч жыл мурда баш кошкон. Бир жарым жыл мурда уулдуу болушкан, бирок бөбөк  өз алдынча эмес, атайын трубканын жардамы менен дем алат. Социалдык тармакта ымыркайдын сүрөтү жарыяланып, анын атасы Элчиевди колдоого чакырган билдирүү да тараган.

"Иним баласынын ден соолугуна байланыштуу АКШдан келе албай жүргөн, дарыгерлер да жибербей жаткан. Уулун ошол жактан гана дарылоого болот дешкендиктен, акча топтоп, айыктырам деп иштеп жүргөн эле.  Ымыркай дарыгерлердин көзөмөлүндө такай болуп турушу керек. Учурда баланы келинчеги карап жатат",  — деди Элчиева.

Мурасбек АКШда иштегенден бери Кыргызстанга үч-төрт ирет, ал эми акыркы жолу эки жыл мурда уулу төрөлгөнгө чейин келип кеткен.

Жанна Элчиева ата-энеси уулу тууралуу кабарды ЖМКдан укканда жана болгонун айтып, анын күнөөсүз экенин кошумчалады.

Жаңылыктар түрмөгү
0