КАРАКОЛ, 5-апр. — Sputnik. Кечээ Ысык-Көл облусунун тоолорунан эркек кишинин сөөгү табылып, ал "Хан-Теңири" аңчылык лагеринин мурунку күзөтчүсү Сергей Смирнов болушу мүмкүн экенин күч структураларындагы ишенимдүү булак билдирди.
Маалыматта сөөктү жергиликтүү чабандар таап, укук коргоо органдарына кабарлашкан. Тартип сакчыларынын божомолунда маркум өз өмүрүнө кол салган.
Белгилей кетсек, Смирнов "Хан-Теңири" аңчылык лагеринин жетекчисинин орун басары менен дагы бир кызматкерин өлтүрүүгө шектелип келген. Окуя болгондон кийин ошол жердеги бир аялды барымтага алып, андан кийин аны кое берген да, Түп айылындагы тоолордо жашырынып жүргөн.
