08:12 14 Тогуздун айы 2019
Түз эфир
  • USD69.8106
  • EUR76.8580
  • RUB1.0870
 Экс-президент Алмазбек Атамбаевдин жансакчысы Дамир Мусакеев. Архивдик сүрөт

Атамбаевдин жансакчысы Дамир Мусакеев беш жылга кесилди

© Пресс-служба президента КР / Султан Досалиев
Окуялар
Кыскача шилтеме алуу
714 0 0

Мусакеев батирлерди туура эмес бөлүштүрүүдө мыйзамсыз иштерге барган деп айыпталууда.

БИШКЕК, 24-май — Sputnik. Экс-президент Алмазбек Атамбаевдин жансакчысы Дамир Мусакеевди Свердлов райондук соту батирлерди туура эмес бөлүштүрүү боюнча козголгон кылмыш ишинде күнөөлүү деп таап, беш жылга эркинен ажыратты. Бул тууралуу КСДПнын жетекчисинин орун басары Кундуз Жолдубаева Sputnik Кыргызстан агенттигинин кабарчысына билдирди.

Ал сот отуруму жабык эшик артында каралганын айтты.

"Мусакеевди №1 тергөө абагына алып кетишти. Биз бул өкүмдү саясий басым деп эсептейбиз. Аны беш жылга эркинен ажыратып, 70 миң сом айып салды", - деди Жолдубаева.

Жогорку Соттун маалымат кызматы да Мусакеев боюнча райондук соттун чыгарган өкүмүн тастыктады.

Эске салсак, 7-февралда Дамир Мусакеевге Кылмыш жаза кодексинин 320-беренеси ("Кызматтык абалын кыянаттык менен пайдалануу") менен шектелип жатканы боюнча маалымат берилген. Ал 2016-2017-жылдары кызматтык абалынан кыянаттык менен пайдаланып, 9-бөлүмдө иштеген өзүнүн жакын адамдарына мамлекеттик батирлерди ыйгарган деп айыпталууда.

Дамир Мусакеев экс-президент Алмазбек Атамбаевдин жансакчысы. 2016-жылдын жай айларында УКМКнын 9-бөлүмүнүн жетекчиси болуп дайындалган. Ал эми өткөн жылдын апрель айында кызматынан бошотулган. Учурда ал дагы деле Атамбаевди кайтарып келет.

Тема боюнча

Экс-министр Сагинбаева үй камагына кантип чыкты. Расмий жооп
Белгилер:
Кундуз Жолдубаева, өкүм, сот, Дамир Мусакеев

ЭҢ МААНИЛҮҮ