Израилдик турист кыздын сөөгү табылды

© Фото / предоставлено Алексом СупинскимАлтын күндөн бери дайынсыз болуп изделип жаткан изралидик турист Хилла Ливне
Алтын күндөн бери дайынсыз болуп изделип жаткан изралидик турист Хилла Ливне - Sputnik Кыргызстан
Жазылуу
Сары-Челектен жоголгон чет элдик жаранды издөөгө 77 киши тартылган

БИШКЕК, 29-сен. — Sputnik. Алты күндөн бери дайынсыз болуп изделип жаткан изралидик турист Хилла Ливненин сөөгү табылганын Sputnik Кыргызстан агенттигине өзгөчө кырдаалдар министри Кубатбек Боронов билдирди.

Министрдин айтымында, турист аскадан учуп кеткен.

"Сөөк Сары-Челек коругунун аймагында, бирок координаты так аныктала элек", — деди министр.

Эске салсак, Жалал-Абаддын Аксы районунда израилдик турист кыз 23-сентябрь күнү жоголуп кеткен.

Сары-Челек коругунда жоголуп кетип, алты күндөн бери изделип жаткан израилдик турист Хилла Ливне - Sputnik Кыргызстан
Израилдик кыздын сөөгүн россиялык тасма тартуучу топ дрондун жардамы менен тапты
Анын кабарсыз кеткени тууралуу маалымат ӨКМге шейшемби күнү түшүп, аталган аймакка 10 куткаруучу жиберилген.

Ал эми турист менен чогуу жүргөн шериги 24 жаштагы Городесен Нафад Едипьия аскадан кулап, бутун сындырып алган. Ал Сары-Челек коругуна жөнөткөн Кыргызстандын туристтик фирмасы менен 24-сентябрь күнү байланышып, окуя жөнүндө кабар берген. Аны Аркыт айылында туристтерге кызмат көрсөткөн адамдар 25-сенбярь күнү гана табышкан.

Бүгүн эртең менен ӨКМдин маалымат кызматы аба ырайы кескин муздап кеткенине байланышуу туристти издөө иштерин күчөткөнүн билдирген.

Жаңылыктар түрмөгү
0