БИШКЕК, 28-июл. — Sputnik. Түркиялык альпинист Хакан Кошкун Хан-Теңир чокусун багындыруу учурунда каза болгонун Түркиянын Кыргызстандагы элчилиги өзүнүн Facebook баракчасына жарыялады.
Маалыматка ылайык, Кошкундун жүрөгү кармап калган.
Anadolu маалымат агенттиги билдиргендей, альпинист 6,5 чакырым бийиктиктен түшүп келе жатканда өзүн жаман сезе баштаган. Медициналык жардам берилгенине карабай ал үзүлүп кеткен. 41 жаштагы альпинисттин сөөгү жакын арада мекенине жөнөтүлөт.
Акыркы күндөрү бул Кыргызстандын тоолорунда катталган экинчи жагымсыз окуя. Буга чейин Кыргызстан менен Тажикстандын чек арасындагы Ленин чокусун багындырам деп бел байлаган россиялык альпинист Юрий Курмачев 6100 метр бийиктикте каза болгон.
Андан сырткары, Түркиянын Жакынкы Чыгыш университетинин алты альпинисти да Хан-Теңир чокусун багындырабыз деп Кыргызстанга келишкен.
