Түркиялык алты студент Хан-Теңир чокусун багындырууга белсенип жатат

© Фото / Геннадий ЗакировПятнадцать фото Кыргызстана, которые могут вдохновить вас на путешествие
Пятнадцать фото Кыргызстана, которые могут вдохновить вас на путешествие - Sputnik Кыргызстан
Жазылуу
Альпинисттер азыр Бишкекке келип, Түркиянын Кыргызстандагы элчиси менен жолугушту.

БИШКЕК, 26-июл. — Sputnik. Түркиянын Жакынкы Чыгыш технологиялык университетинин алты альпинисти Хан-Теңир чокусун багындарууга бел байлап жатканы Түркиянын Кыргызстандагы элчилигинин Facebook баракчасына жарыяланды. 

Чокуга окуу жайдын студенттери менен бүтүрүүчүлөрү чыкмай болушту. Бул максатты ишке ашыруу үчүн альпинисттер атайын сайт ачып, ал жакка команда тууралуу жана алардын максаты жөнүндө толук маалыматтарды жазышкан. Буга чейин аталган окуу жайдын 11 кишиден турган тобу 2006-жылы Эверестти багынткан.

"Түркиядагы университеттин альпинисттер тобу Кыргызстанда бийиктиги боюнча экинчи орунда турган Хан-Теңир чокусун багындырат. Алар элчи Метин Кылыч менен жолугушту", — деп элчиликтин баракчасында жазылган.

Хан-Теңир чокусу Кыргызстан, Казакстан жана Кытайдын Синьцзян-Уйгур автономдуу аймагы чектешкен жерде жайгашкан. Анын бийиктиги жети миң метрден ашат.

Жаңылыктар түрмөгү
0